ডিজিটেল ডেক্সঃ যুদ্ধজৰ্জৰ আফগানিস্তানত শনিবাৰে অনুষ্ঠিত সংসদীয় নিৰ্বাচনীৰ সময়ছোৱাত সংঘটিত হয় ধাৰাবাহিক বিস্ফোৰণ আৰু গুলীয়াগুলীৰ ঘটনা৷
দেওবাৰেও অব্যাহত আছে এই হিংসা৷ আজি পুৱা দেশখনত সংঘটিত এক ভয়ংকৰ বিস্ফোৰণত নিহত হয় ১১ জন লোক৷ পূব প্ৰান্তীয় নংগাৰহৰ নামৰ ঠাইখনত বাটৰ কাষত ৰাখি থোৱা এটা বোমা বিস্ফাৰিত হোৱাত ১১ জন লোক থিতাতে নিহত হোৱাৰ লগতে বহু সংখ্যক লোক আহত হয়৷ তালিবানে এই নিৰ্বাচন বহিষ্কাৰ কৰাৰ লগতে জনসাধাৰণকো ভোটদানৰপৰা আঁতৰত থাকিবলৈ ফটোৱা জাৰি কৰিছিল৷ এনে ভাবুকিৰ বাবে দেশখনৰ কেতবোৰ ভোটদান কেন্দ্ৰত কালি ভোটগ্ৰহণ কৰিব পৰা নগ’ল আৰু একাংশ কেন্দ্ৰত পলমকৈ ভোটগ্ৰহণ কৰা হয়৷ সুৰক্ষা বাহিনীৰ কঠোৰ পহৰাৰ মাজতো তালিবানে বিস্ফোৰণ আৰু গুলীচালনা কৰি নিৰ্বাচনী কাৰ্যত বাধা প্ৰদান কৰে৷
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।