63
গুৱাহাটীঃ সকলো জল্পনা কল্পনা অন্ত পেলাই অৱশেষত পুৱা ৭ বজাৰপৰা আৰম্ভ হৈছে দেশৰ সপ্তদশ লোকসভাৰ নিৰ্বাচনৰ প্ৰথম পৰ্যায়ৰ ভোটগ্ৰহন প্ৰক্ৰিয়া। দেশৰ ২০ খন ৰাজ্যৰ মুঠ ৯১ টা সমষ্টিত অনুষ্ঠিত হৈছে প্ৰথম পৰ্যায়ৰ ভোটগ্ৰহণ প্ৰক্ৰিয়া। সেই অনুসৰি অসমৰো পাঁচ সমষ্টিত পুৱা ৭ বজাৰ পৰা অনুষ্ঠিত হৈছে ভোটগ্ৰহণ প্ৰক্ৰিয়া। পাঁচটা সমষ্টিত মুঠ ৭৬,০৩,৪৫৮ গৰাকীৰ ভোটাৰে ভাগ্য নিৰ্ণয় কৰিব ৪১ গৰাকীৰ প্ৰাৰ্থীৰ। তাৰ বাবে মুঠ ৯৫৭৪ টা ভোটগ্ৰহণ কেন্দ্ৰত অনুষ্ঠিত হৈছে ভোটগ্ৰহণ প্ৰক্ৰিয়া। ডিব্ৰুগড়, যোৰহাট, কলিয়াবৰ, লখিমপুৰ, তেজপুৰ লোকসভাৰ সমষ্টিত হৈছে এই প্ৰথম পৰ্যায়ৰ নিৰ্বাচন।
