বালিপাৰাঃ অসম গণ পৰিষদৰ ৰঙাপৰা সমষ্টিৰ সাধাৰণ অধিৱেশন আজি দিনযোৰা কাৰ্য্যসূচীৰে বালিপৰা উচ্চতৰ মাধ্যমিক বিদ্যালয়ৰ সভাকক্ষত অনুষ্ঠিত হয়।
কাৰ্যসূচী অনুযায়ী পুৱা ৯ বজাত দলৰ পতাকা উত্তোলন কৰে সমষ্টি সমিতিৰ প্ৰাক্তন সভাপতি ৰমণী বৰাই, ছহীদ তৰ্পন কৰে নগেন শৰ্মাই।
দিনৰ ১২ বজাৰ পৰা তৰুণ বৰাৰ পৌৰোহিত্যত অনুষ্ঠিত প্ৰতিনিধি সভা মুকলি কৰে কেন্দ্ৰীয় সমিতিৰ প্ৰাক্তন সদস্য কমিচন মিলিয়ে। অৰুণ পাটোৱাৰীৰ উদ্দেশ্য বাখ্যাৰে আৰম্ভ হোৱা সভাখনত মুখ্য অতিথি হিচাপে অংশগ্ৰহণ কৰে তেজপুৰ সমষ্টিৰ বিধায়ক তথা প্ৰাক্তন শিক্ষামন্ত্ৰী বৃন্দাবন গোস্বামীয়ে।
নিজৰ ভাষণত গোস্বামীয়ে দলটোক তৃণমূল পৰ্য্যায়ৰ পৰা শক্তিশালী কৰাৰ লগতে শাখা সমিতিসমূহক পুনৰ সক্ৰিয় কৰিবলৈ আহ্বান জনায়। ৰঙাপৰা সমষ্টিৰ উন্নয়নৰ বাবেও মাত মাতি যাব বুলিও প্ৰতিশ্ৰতি দিয়ে নেতাজনে।
উক্ত সভাতে জোনটি নৰহক সভাপতি অাৰু সুনীল দে, অৰূপ পাটোৱাৰীক যুটীয়া সম্পাদক হিচাপে লৈ ৰঙাপৰা সমষ্টি সমিতিখন নতুনকৈ গঠন কৰা হয়।