newsnextone.com | ডিজিটেল ডেস্কঃ জৰুৰীকাল লাগু কৰাৰ বিৰুদ্ধে প্ৰত্যেক বৰ্ষতে বিজেপিয়ে কংগ্ৰেছক আক্ৰমণ কৰা পৰিলক্ষিত হৈ আহিছে৷ পুনৰ এবাৰ বিজেপিয়ে কংগ্ৰেছৰ বিৰুদ্ধে ২৫ আৰু ২৬ জুনত ক’লা দিৱস হিচাপে পালন কৰিবলৈ সিদ্ধান্ত লৈছে৷ ৪৩ বছৰ পূৰ্বে ১৯৭৫ চনৰ ২৫ জুনত তদানীন্তন প্ৰধানমন্ত্ৰী ইন্দিৰা গান্ধীয়ে সমগ্ৰ দেশত জৰুৰীকাল লাগু কৰিবলৈ সিদ্ধান্ত গ্ৰহণ কৰিছিল৷
বিজপিয়ে কংগ্ৰেছৰ সিদ্ধান্তৰ বিৰোধিতা কৰি কয় যে, দেশত জৰুৰীকাল লাগু কৰি কংগ্ৰেছে গণতন্ত্ৰক হত্যা কৰিছিল৷ বিজেপিৰ অধ্যক্ষ অমিত শ্বাহে এনে পৰিস্থিতিত টুইট কৰি কয়, ‘১৯৭৫ চনত আজিৰ দিনটোতে মাত্ৰ শাসনৰ লালসাত কংগ্ৰেছে নিজৰ ৰাজনৈতিক স্বাৰ্থক আগস্থান দি দেশৰ গণতন্ত্ৰক হত্যা কৰি থৈ গৈছে৷ কংগ্ৰেছে দেশৰ সংসদক নিস্ক্ৰিয় কৰি উচ্চতম ন্যায়ালয়ক মুকদৰ্শক হিচাপে উপস্থাপন কৰিছিল আৰু সংবাদ মাধ্যমৰ মুখত তলা লগাই দিছিল৷’
বিজেপি অধ্যক্ষগৰাকীয়ে কয়, ‘অসংখ্য লোকক বিনা কাৰণত অন্ধকাৰ কাৰাগাৰত বন্দী কৰা হ’ল৷ দেশৰ জনতাই ২১ মাহ ধৰি অনেক কষ্ট আৰু যাতনা ভোগ কৰিবলগীয়া হ’ল৷ এনে জৰুৰীকালীন অৱস্থাত দেশৰ গণতন্ত্ৰ পুনৰ উজ্জ্বীৱিত কৰাৰ বাবে সৰ্বস্ব ত্যাগ কৰা দেশবাসীকসকলৰ কোটি কোটি প্ৰণাম৷’
অমিত শ্বাহৰ টুইটৰ পৰা এয়া স্পষ্ট হৈছে যে বিজেপি কংগ্ৰেছৰ বিৰুদ্ধে কিমান আক্ৰমণাত্মক৷ ইফালে, বিজেপিয়ে কংগ্ৰেছৰ বিৰুদ্ধে গণতন্ত্ৰ হত্যা কৰাৰ অভিযোগ উত্থাপন কৰি এনেদৰে আক্ৰমণ কৰাটো নতুন বিষয় নহয় বুলিও বিভিন্ন জনে মত পোষণ কৰিছে৷ কিন্তু বৰ্তমান সময়ত বিজেপিৰ এই আক্ৰমণাত্মক দৃষ্টিভংগীয়ে বিশেষ গুৰুত্ব লাভ কৰিছে৷ ২০১৯ৰ নিৰ্বাচনৰ প্ৰাকমুহূৰ্তত কংগ্ৰেছৰ বিৰুদ্ধে বিজেপিৰ এই মন্তব্য নতুন ৰণ কৌশল হিচাপে ধৰা হৈছে৷
দেখিবলৈ পোৱা মতে, কংগ্ৰেছ সহ বিৰোধী দল সমূহে বিজেপি আৰু মোডী চৰকাৰক আক্ৰমণ কৰি আহিছে৷ চৰকাৰৰ বিৰুদ্ধে বিভিন্ন সময়ত গণতন্ত্ৰৰ হত্যা কৰাৰ অভিযোগ উত্থাপন কৰি আহিছে৷ এতিয়া বিজেপিয়ে জৰুৰী কালৰ কথা মনত পেলাই দি কংগ্ৰেছক আইনা দেখুৱাবলৈ চেষ্টা কৰা পৰিলক্ষিত হৈছে৷ বিজেপি অধ্যক্ষৰ মন্তব্যই বিজেপিৰ আক্ৰমণাত্মক ৰণনীতি স্পষ্ট কৰিছে৷
1975 में आज ही के दिन कांग्रेस द्वारा मात्र सत्ता में बने रहने के अपने राजनीतिक स्वार्थ के लिये देश के लोकतंत्र की हत्या कर दी गयी। देश की संसद को निष्क्रय बना कर उच्चतम न्यायालय को मूकदर्शक की हैसियत में तब्दील कर दिया गया और अखबारों की जुबान पर ताले जड़ दिये गये। pic.twitter.com/pq3iatp0BA
— Amit Shah (@AmitShah) June 25, 2018
কেন্দ্ৰীয় মন্ত্ৰী অৰুণ জেটলীয়েও জৰুৰীকালৰ কথা মনত পেলাই দি তদানীন্তন প্ৰধানমন্ত্ৰী ইন্দিৰা গান্ধীক আক্ৰমণ কৰা পৰিলক্ষিত হৈছে৷ জেটলীয়ে কয়, ‘ইন্দিৰা গান্ধীয়ে কেৱল ৰাজনৈতিক লাভৰ বাবেহে সকলো কাম কৰিছিল৷ তেওঁ গণতন্ত্ৰৰ নীতিক গুৰুত্ব প্ৰদান কৰা নাছিল৷ জৰুৰীকালীন অৱস্থা লাগু কৰাও তেওঁৰ এক জনবিৰোধী ৰাজনৈতিক স্বাৰ্থজৰিত সিদ্ধান্ত আছিল৷’
असंख्य लोगों को बिना वजह कालकोठरी में डाल दिया गया, देश की जनता ने 21 महीनों तक अनेकों कष्ठ और यातनायें सही।
— Amit Shah (@AmitShah) June 25, 2018
ऐसे आपातकाल में लोकतंत्र को पुनर्स्थापित करने में अपना सर्वस्व अर्पण करने वाले सभी देशवासियों को कोटि-कोटि वंदन।
ইফালে ৪৩ বছৰ পূৰ্বে কংগ্ৰেছে লাগু কৰা জৰুৰীকালীন অৱস্থাৰ বিৰোধ কৰি বিজেপিয়ে প্ৰত্যেক বৰ্ষতে ক’লা দিৱস পালন কৰি কংগ্ৰেছক আক্ৰমণ কৰি আহিছে৷ আপাতকাল ২৫-২৬ জুনৰ মাজ নিশা লাগু হৈছিল বাবে বিজেপিয়ে দুয়োটা দিনেই ক’লা দিৱস হিচাপে পালন কৰে৷ ২৬ জুনত দলে সমগ্ৰ দেশত প্ৰেছ কনফাৰেন্সৰ জৰিয়তেও বিজেপিয়ে কংগ্ৰেছক আক্ৰমণ কৰিব৷
জৰৰীকালক লৈ দেশৰ প্ৰত্যেক ৰাজ্যৰ ৰাজধানীত দলৰ জ্যেষ্ঠ নেতা আৰু কন্দ্ৰীয় মন্ত্ৰীসকল উপস্থিত হৈছে৷ আপাতকালৰ বিৰুদ্ধে অনুষ্ঠিত হ’বলগীয়া কাৰ্যসূচীত তেওঁলোকে অংশ লোৱাৰ লগতে সংবাদ মেল যোগে ১৯৭৫ চনৰ সেই ক’লা দিনদুটাৰ বিৰুদ্ধে জনতাক অৱগত কৰাব৷
এই কালছোৱাত বিজেপিৰ অধ্যক্ষ অমিত শ্বাহ আহমদাবাদত থাকিব৷ তেওঁ প্ৰদেশ বিজেপিৰ এক চিন্তন বৈঠকত অংশ ল’বলৈ আহমদাবাদত উপস্থিত হয়৷ ২৬ জুনত আহমদাবাদৰ পৰাই অমিত শ্বাহে কংগ্ৰেছক আক্ৰমণ কৰি সংবাদ মেলত অংশ ল’ব বুলি জানিব পৰা গৈছে৷
ইফালে, কেন্দ্ৰীয় মন্ত্ৰী জেনেৰেল বিকে সিঙে অন্ধ্ৰপ্ৰদেশত আৰু জীতেন্দ্ৰ সিঙে অসমত ক’লা দিৱসৰ অনুষ্ঠানত উপস্থিত থাকিব বুলি জানিব পৰা গৈছে৷ গ্ৰামীণ বিকাশ মন্ত্ৰী নৰেন্দ্ৰ সিঙ তোমাৰে পাটনাত আৰু ডা০ মহেশ শৰ্মাই চণ্ডীগড়ত ক’লা দিৱসৰ অনুষ্ঠানত অংশ ল’ব৷ তদুপৰি ধৰ্মেন্দ্ৰ প্ৰধানে চত্তীশগড়ত, অনন্ত কুমাৰে মধ্যপ্ৰদেশত আৰু কেন্দ্ৰীয় মন্ত্ৰী প্ৰকাশ জাবেডকাৰে ৰাজস্থানত ক’লা দিৱসৰ দুটা দিনৰ বিভিন্ন অনুষ্ঠানত অংশ লৈ কংগ্ৰেছক আক্ৰমণ কৰিব৷
ইয়াৰ বাহিৰেও বিজেপিৰ কেইবাগৰাকীও জ্যেষ্ঠ নেতা আৰু দলীয় পদাধিকাৰেও বিভিন্ন ৰাজ্যৰ ৰাজধানী চহৰত উপস্থিত থাকি জৰুৰীকালৰ বিৰোধিতা কৰিব৷ আনহাতে বিজেপিয়ে ক’লা দিৱস পালনৰ মাজতে আপাতকালৰ সময়ত কাৰাগাৰলৈ প্ৰেৰণ কৰা লোক আৰু কৰ্মকৰ্তাসকলক সন্মানিতও কৰিব৷ কিন্তু এইবাৰ আগন্তক নিৰ্বাচনলৈ লক্ষ্য ৰাখি দেশৰ প্ৰতিটো চুকৰ পৰাই কংগ্ৰেছক আক্ৰমণৰ লক্ষ্য বান্ধি লৈ বিজেপিয়ে নতুন ৰণ কৌশল অৱলম্বন কৰা পৰিলক্ষিত হৈছে৷