62
বৰপেটাঃ তৃতীয় পৰ্যায়ৰ নিৰ্বাচনৰ বাবে ৬ নং বৰপেটা লোকসভা সমষ্টিৰ অগপ প্ৰাৰ্থী হিচাপে কুমাৰ দীপক দাসে বুধবাৰে মনোনয়ন-পত্ৰ দাখিল কৰে৷ কেইবা সহস্ৰাধিক সমৰ্থকক লগত লৈ বৰপেটাৰ উপায়ুক্ত কাৰ্যালয়ত ৰিটাৰ্নিং বিষয়া মুনীন্দ্ৰ শৰ্মাৰ হাতত মনোনয়ন দাখিল কৰে অগপ-বিজেপি-বি পি এফ মিত্ৰজোঁটৰ প্ৰাৰ্থীগৰাকীয়ে৷
মনোনয়ন দাখিল পৰ্বত কুমাৰ দীপক দাসক সংগ দিয়ে অগপ সভাপতি অতুল বৰা, প্ৰাক্তন বিধায়ক ভূপেন ৰয়, বিজেপিৰ ৰাজ্যিক সভাপতি ৰঞ্জিত কুমাৰ দাস, মন্ত্ৰী চন্দ্ৰমোহন পাটোৱাৰী আৰু বিপিএফ নেতা তথা সাংসদ বিশ্বজিৎ দৈমাৰী, প্ৰবীন বড়ো আদিয়ে৷
