কোকৰাঝাৰঃ কোকৰাঝাৰ জিলাৰ গোসাঁইগাঁও মহকুমাৰ ডিংডিঙ্গা আৰক্ষী চকীৰ অন্তৰ্গত গ্ৰাহামপুৰ মৰনৈ চাহ চাগিচাৰ ফেক্টৰীৰ সন্মুখৰ পৰাই আজি এগৰাকী ব্যৱসায়ী অপহৃত হোৱা ঘটনাই ব্যাপক চাঞ্চল্যৰ সৃষ্টি কৰিছে ।
অচিনাক্ত দুষ্কৃতিকাৰীয়ে অপহৰণ কৰি নিয়া ব্যৱসায়ীগৰাকীক গোৱালপাৰাৰ নৱীন যোশী বুলি জানিব পৰা গৈছে ।
আৰক্ষী সূত্ৰই সদৰি কৰা নৱীন যোশী নামৰ গোৱালপাৰাৰ ব্যৱসায়ীগৰাকী ব্যৱসায়ীক কামত মৰনৈ চাহ বাগিছাত আজি এখন টাটা ইণ্ডিগো গাড়ীৰে অহাৰ পিছতে অচিনাক্ত দুৰ্ষ্কৃতিকাৰীয়ে অপহৰণ কৰে।
ব্যৱসায়ীগৰাকীৰ সন্ধান উলিয়াবলৈ আৰক্ষীয়ে অভিযান অব্যাহত ৰাখিছে যদিও বাতৰি লিখাপৰলৈকে ব্যৱসায়ীগৰাকীৰ সন্ধান লাভ কৰা নাই ।