২৫ বছৰৰ সিংহাসন উফৰাই পেলােৱা বিপ্লৱ কুমাৰ দেৱে শুকুৰবাৰে মুখ্যমন্ত্ৰী ৰূপে ল’ব শপত

আগৰতলাঃ ত্ৰিপুৰাত কেন্দ্ৰীয় শাসিত বিজেপি দলৰ প্ৰথমগৰাকী মুখ্যমন্ত্ৰী হিচাপে শুকুৰবাৰে শপত গ্ৰহণ কৰে বিপ্লৱ কুমাৰ দেৱে৷ উত্তৰ-পূবাঞ্চলৰ সৰ্বহাৰাৰ নেতা ৰূপে জনাজাত মাণিক সৰকাৰৰ ২৫ বছৰীয়া দুৰ্গক ধ্বংস কৰি ত্ৰিপুৰাত গেৰুৱা দলৰ পতাকা উৰুৱাই বিজেপিয়ে ইতিহাস ৰচনা কৰে৷

বিজেপি-আইপিএফটি মিত্ৰজোঁটে বিগত সপ্তাহত ত্ৰিপুৰাৰ বিধানসভা নিৰ্বাচনত চিপিআইএমক পৰাভূত কৰি আধিপত্য বিস্তাৰ কৰে৷ ৰাজ্যখনৰ ৰাজধানী আগৰতলাৰ ৰাইফলছ মৈদানত অনুষ্ঠিত শপত গ্ৰহণ অনুষ্ঠানত বিপ্লৱ দেৱক ৰাজ্যপালে গোপনীয়তাৰ শপত বাক্য পাঠ কৰাব৷