বৃহস্পতিবাৰে য়েদুয়াৰাপ্পাই ল’ব কৰ্ণাটকৰ মুখ্যমন্ত্ৰী ৰূপে শপত, কংগ্ৰেছ-জেডিএছৰ আশাত চেঁচাপানী

newsnextone.com | ডিজিটেল ডেস্কঃ সকলো জল্পনা-কল্পনাৰ অৱসান ঘটাই অৱশেষত বিজেপিৰ মুখ্যমন্ত্ৰীৰ পদৰ প্ৰাৰ্থী য়েদুয়াৰাপ্পাই বৃহস্পতিবাৰে পুৱাই ৯.৩০ বজাত কৰ্ণাটকৰ মুখ্যমন্ত্ৰী হিচাপে শপত ল’ব৷ ৰাজ্যপাল ভেজুভাই বালাই বুধবাৰে সন্ধিয়া বিজেপিৰ বিধায়িনী দলৰ নেতা য়েদুয়াৰাপ্পাক পত্ৰ প্ৰেৰণ কৰে৷ বুধবাৰে সন্ধিয়া ৰাজ্যপালে ভেজুভাই বালাই প্ৰাক্তন এটৰ্ণি জেনেৰেল মুকুল ৰোহটগীৰ সৈতে আলোচনাত মিলিত হৈ এই সিদ্ধান্ত গ্ৰহণ কৰে৷

ইমানে নহয় সংখ্যাৰ দিশত বৃহৎ দল বিজেপিক সংখ্যাগৰিষ্ঠতা প্ৰমাণৰ বাবে ১০ দিনৰ সময় প্ৰদান কৰে ৰাজ্যপালে৷ ১০ দিনৰ ভিতৰত আস্থা ভোটত সংখ্যাগৰিষ্ঠতা প্ৰমাণ কৰিব লাগিব ১০৪ খন আসন থকা বিজেপি দলে৷