70
নাওকাটাঃ যি সময়ত সমগ্ৰ উত্তৰ-পূৰ্বাঞ্চলত বৃহত্তৰ নগালিম গঠনক লৈ এক চেপা উত্তেজনা বিৰাজ কৰিছে, সেই সময়তে বিজেপি দলৰ নেতা তথা তেজপুৰ লোকসভা সমষ্টিৰ সাংসদ আৰ পি শৰ্মাই কৰা এক মন্তব্যই সকলোৰে দৃষ্টি আকৰ্ষণ কৰিছে।
বৃহত্তৰ নাগালিমত এন এছ চি আই এন (আই এম) গোটে অসমৰ কিয়দংশ অন্তৰ্ভূক্তিৰ দাবী কৰি থকা সময়তে সাংসদজনে বাগছা জিলাৰ নাওকাটাত অনুষ্ঠিত এখন জনসভাত সাংবাদিকক জনায় যে অসমৰ ১ ইঞ্চিও মাটিও নাগালেণ্ডক দিয়া নহয়। ইয়াৰ পৰিৱৰ্তে তেওঁ ডিমাপুৰহে অসমৰ বুলি দাবী কৰে। অতীত ইতিহাসৰ প্ৰসংগ উল্লেখ কৰি সাংসদজনে অতীতৰ অসমৰ ডিমাপুৰ পুনৰাই অসমক স-সন্মানে ঘূৰাই দিবলৈকো দাবী জনায়।
