মোডীক পৰৱৰ্তী প্ৰধানমন্ত্ৰী হোৱাটো বিচাৰে অগপই

গুৱাহাটীঃ অগপ-বিজেপিৰ পুনৰ্মিত্ৰতাৰ পাছত দলদুটাই দুয়োৰে মাজত থকা সনা-পিটিকা প্ৰদৰ্শন কৰাত ব্যস্ত হৈ পৰিছে। বৃহস্পতিবাৰে বিজেপিৰ নেতাসকল দলে-বলে গৈ অগপৰ কাৰ্যালয়ত আলোচনা কৰাৰ পাছত আজি অগপৰ নেতৃত্ব পায়গৈ বিজেপিৰ কাৰ্যালয়। 

অকল সিমানেই নহয়, দুয়োটা দলে এখন যুটীয়া সংবাদমেলো সম্বোধন কৰে। এই সংবাদমেলত উপস্থিত থাকে অগপৰ সভাপতি অতুল বৰা, কাৰ্যকৰী সভাপতি কেশৱ মহন্ত আৰু বিজেপিৰ ৰাজ্যিক সভাপতি ৰণজিৎ দাস তথা মন্ত্ৰী হিমন্ত বিশ্ব শৰ্মা।