newsnextone.com | ডিজিটেল ডেস্কঃ সোমবাৰে দেশৰ দহ ৰাজ্যত অনুষ্ঠিত হৈছে উপ-নিৰ্বাচনৰ ভোটগ্ৰহণ৷ ৪টা লোকসভা সমষ্টি আৰু ৬টা বিধানসভা সমষ্টিত অনুষ্ঠিত হৈছে ভোটদান৷ বিভিন্ন ঠাইত ইভিএম বিজুতি হোৱাৰ খবৰ আহিছে আৰু মহাৰাষ্ট্ৰত কেইবাটাও ভোট কেন্দ্ৰত ভোটগ্ৰহণ বন্ধ ৰাখিব লগা হয়৷
আনহাতে কোনো হিংসাত্মক ঘটনা সংঘটিত হোৱাৰ খবৰ অহা নাই৷ নিৰাপত্তাৰক্ষীৰ কটকটীয়া নিৰাপত্তা ব্যৱস্থাৰ মাজত অনুষ্ঠিত হয় ভোটগ্ৰহণ৷ পশ্চিম বংগৰ মহেশতালা বিধানসভা সমষ্টিত ভোট কেন্দ্ৰত ইভিএম বিজুতি হোৱাৰ অভিযোগ উত্থাপন হয়৷ কংগ্ৰেছৰ পৰিষদক গ্ৰেপ্তাৰ কৰে আৰক্ষীয়ে৷ মহেশতলাত ৭০ শতাংশ ভোটদান কৰে ৰাইজে৷