www.newsnextone.com| লিডুঃ অসমৰ বিভিন্ন ৰক্তাত্ব ইতিহাসৰ সৈতে জড়িত সহস্ৰ বিদ্ৰোহী উগ্ৰবাদী সংগঠন সমূহৰ নিৰাপদৰ আশ্ৰয়স্থলী হিচাবে বিবেচিত অসম অৰুণাচল সীমান্তৱৰ্তী জাগুনত ১৩ অক্টোবৰৰ নিশা সংঘটিত হয় চাঞ্চল্যকৰ অপহৰন কাণ্ড৷ সন্দেহজনক আলফা(স্বা) ৰ এটা অস্ৰধাাৰি দলে যোৱা নিশা ২ নং ফানেংৰ পবিত্ৰ গগৈ ওৰফে টিকিৰা আৰু চন্দ্ৰ বুৰাগোঁহাই ওৰফে ফুপসিং নামৰ দুজন ব্যৱসায়ীক ঘৰৰ পৰাই অপহৰণ কৰা কাৰ্যই গভীৰ ৰহস্যৰ সূত্ৰপাত ঘটাইছে৷
স্থানীয় লোকৰ অপহৰণকাণ্ডৰ লগত আলফা স্বাধীনৰ সদস্য জড়িত বুলি সন্দেহ প্ৰকাশ কৰিছে যদিওঁ নিশ্চিত হোৱা নায়। আনহাতে অতি অমায়িক স্বভাৱৰ দুজন ব্যৱসায়িক এনেদৰে শোৱাপাটীৰ পৰাই অপহৰণ কৰি নিয়াৰ ঘটনাই পৰিয়ালৰ লোককো চিন্তাৱিত কৰি তুলিছে বুলি জানিব পৰা গৈছে৷
বৰ্তমান লৈকে কোনো সশস্ত্ৰ সংগ্ৰামী দলে অপহৰণকাণ্ডৰ দ্বায়িত্ব স্বীকাৰ কৰা নাই। আৰক্ষীৰ লগতে ভাৰতীয় সেনা বাসিনীয়ে সমগ্ৰ এলেকাটোতে অভিযান তীব্ৰতৰ কৰি তুলিছে৷
উল্লেখযোগ্য যে অসম অৰুণাচল সীমান্তৰ জাগুনত ইয়াৰ পূৰ্বেও এনে অনুৰুপ ঘটনা সংঘটিত হৈছিল যদিও অপহৰণকাৰীয়ে সুষ্ট শৰীৰেৰে মুক্তি কৰি দিয়াৰ নজিৰ আছে৷