newsnextone.com | ডিজিটেল ডেস্কঃ কৰ্ণাটকত চৰকাৰ গঠন কৰিবৰ বাবে সুবিধা প্ৰদান নকৰাত বিজেপি, কংগ্ৰেছ আৰু বিজেপিৰ সমৰ্থক ক্ষোভিত হৈ পৰিছে৷ সমগ্ৰ দেশৰ দৃষ্টি কৰ্ণাটকৰ ৰাজনৈতিক পৰিস্থিতিৰ ওপৰত থকাৰ সময়তে বুধবাৰে জেডিএছৰ সমৰ্থকে বাংগালুৰুস্থিত ৰাজ ভৱনৰ সন্মুখত তীব্ৰ প্ৰতিবাদ সাব্যস্ত কৰে৷ যোৱা ৩০ ঘণ্টা ধৰি চৰকাৰ গঠনৰ কুচকাৱাজে ৰাজনৈতিক পৰিৱেশ গৰম কৰি বিজেপি আৰু কংগ্ৰেছ-জেডিএছে চৰকাৰ গঠনৰ দাবী কৰি আহিছে৷
নিৰ্বাচনৰ ফলাফল ঘোষণা কৰাৰ পিছৰে পৰা ক্ষমতাৰ বাবে ৰাজনৈতিক খোৱা-কামোৰা কৰাৰ ছবিখনে আমোদো দিছে ৰাইজক৷ ইতিমধ্যে জেডিএছ আৰু কংগ্ৰেছৰ বিধায়কে স্বাক্ষৰ কৰা আৰু কুমাৰস্বামীক নেতা নিৰ্বাচিত কৰি ৰাজ্যপালক পত্ৰ প্ৰদান কৰে৷ তাৰ লগে লগে বুধবাৰে দিনৰ প্ৰায় ৪ বজাত পুনৰ ৰাজ্যপাল ভেজুভাই বালাক সাক্ষাৎ কৰি চৰকাৰ গঠন কৰিব বাবে আহ্বান জনোৱাৰ বাবে পত্ৰ প্ৰদান কৰে জেডিএছৰ নেতা এইচডি কুমাৰস্বামীয়ে৷
