ডিজিটেল ডেস্কঃ কংগ্ৰেছ শাসিত ২২৪ খন আসনৰ কৰ্ণাটক বিধান সভাৰ নিৰ্বাচন অহা ১২ মে’ত অনুষ্ঠিত হ’ব৷ দেশৰ নিৰ্বাচন আয়োগে মঙলবাৰে কৰ্ণাটকৰ নিৰ্বাচনৰ ভোটগ্ৰহণ আৰু ভোটগণনাৰ দিন ঘোষণা কৰে৷ ১২ মে’ত ভোটগ্ৰহণ আৰু ১৫ মে’ত ভোটগণনা কৰিব নিৰ্বাচন আয়োগে৷
মঙলবাৰে নিৰ্বাচন আয়োগে সংবাদমেল অনুষ্ঠিত কৰি কৰ্ণাটকৰ ভোটগ্ৰহণ আৰু ভোটগণনাৰ দিন ঘোষণা কৰে৷ উল্লেখ্য যে, কংগ্ৰেছ শাসিত ৰাজ্য খনত কংগ্ৰেছ আৰু বিজেপিয়ে তীব্ৰ প্ৰচাৰ ইতিমধ্যে আৰম্ভ কৰিছে৷ প্ৰধানমন্ত্ৰী নৰেন্দ্ৰ মোডী, বিজেপিৰ সভাপতি অমিত শ্বাহ আৰু কংগ্ৰেছৰ সভাপতি ৰাহুল গান্ধীয়ে একাধিক সমাবেশ অনুষ্ঠিত কৰিছে ৰাজ্য খনত৷