ভোট যুদ্ধৰ বাবে ৫টা দিন, কৰ্ণাটকৰ ভাই-ভনীৰ সৈতে সাক্ষাৎ হ’বলৈ মোৰ সৌভাগ্য ঘটিছে

ডিজিটেল ডেস্কঃ কৰ্ণাটকত বলিছে নিৰ্বাচনৰ গৰম বতাহ৷ শাসক-বিৰোধী কোনেও পিছপৰি থকা নাই৷ ৰেলী অনুষ্ঠিত কৰাৰ যেন প্ৰতিযোগিতাহে অনুষ্ঠিত হৈছে৷ কংগ্ৰেছৰ যুৱৰাজ ৰাহুল গান্ধী আৰু দেশৰ প্ৰধান মন্ত্ৰী নৰেন্দ্ৰ মোডীয়ে দুদিনৰ মুৰে মুৰে ভ্ৰমণ কৰিছে কৰ্ণাটক৷ ৰেলীত অংশ লৈ শাসক-বিৰোধীয়ে নিজ পদ্ধতি অবলম্বন কৰি ভোটাৰক আকৰ্ষিত কৰিবলৈ চেষ্টা কৰিছে৷ 

শনিবাৰে প্ৰধানমন্ত্ৰী নৰেন্দ্ৰ মোডীয়ে কৰ্ণাটকৰ চাৰিখন জিলাৰ নিৰ্বাচনী জনসভাত অংশ ল’ব৷ তুমকুৰূ, গডম, শিৱমোগা আৰু মংগলুৰুৰ জনসভাত অংশ লৈ প্ৰধআনমন্ত্ৰীয়ে দলৰ হৈ নিৰ্বাচনী প্ৰচাৰ চলাব৷ আনহাতে নৰেন্দ্ৰ মোডীয়ে অংশ লবলগীয়া জনসভাৰ ভিতৰত শিৱমোগা জিলাৰ শিকাৰপুৰা সমষ্টি বিজেপিৰ মুখ্যমন্ত্ৰী পদৰ প্ৰাৰ্থী য়েদেৰুপ্পাৰ নিৰ্বাচনী সমষ্টি৷