38
newsnextone.com | ডিজিটেল ডেস্কঃ কৰ্ণাটকত কংগ্ৰেছ আৰু জনতা দল চেকুলাৰে মিত্ৰজোঁটেৰে চৰকাৰ গঠন কৰা এমাহ পাৰ নৌহওতেই মন্ত্ৰীসভা গঠনক লৈ দুয়ো দলৰ মাজত মত-বিতৰ্ক আৰম্ভ হোৱা বুলি জানিব পৰা গৈছে৷ দুয়োটা দলৰ প্ৰায় ১২গৰাকী নেতাই মন্ত্ৰীসভাত স্থান লাভ নকৰাক লৈ বিৰোধ প্ৰদৰ্শন কৰিছে৷
ইফালে উপ-মুখ্যমন্ত্ৰী জী পৰমেশ্বৰৰ আৱাসত বৃহস্পতিবাৰে নিশা মন্ত্ৰীসভাত স্থান প্ৰদানক লৈ দুয়ো দলৰ মাজত আলোচনা চলে যদিও তাৰ দ্বাৰা কোনো সমাধান লাভ কৰিবলৈ সক্ষম নহ’ল জেডিএছ আৰু কংগ্ৰেছে৷ যাৰ ফলত মন্ত্ৰীসভাত স্থান লাভ নকৰাৰ আশংকাত দলৰ প্ৰতি অসন্তুষ্ট বিধায়কৰ সংখ্যা ক্ৰমাৎ বৃদ্ধি হোৱা পৰিলক্ষিত হৈছে৷
