সাংস্কৃতিক কৰ্মী কৃষ্ণ ৰায় মেধিৰ বিয়োগ

গুৱাহাটীঃ ৰাজ্যৰ এগৰাকী বিশিষ্ট নাগৰিক, সাহিত্যিক, চিন্তাবিদ, উপন্যাসিক, সাংস্কৃতিক কৰ্মী, গড়কাপ্তানী বিভাগৰ অৱসৰপ্ৰাপ্ত আয়ুক্ত কৃষ্ণ ৰায় মেধিয়ে সোমবাৰে পুৱা মহানগৰীৰ নেমকেয়াৰ হস্পিতালত চিকিৎসাধীন অৱস্থাত ইহলীলা সম্বৰণ কৰে৷

কৃষ্ণ ৰায় মেধি কামৰূপ জিলা সাহিত্য সভাৰ প্ৰাক্তন সভাপতি, অসম নাট্য সন্মিলনৰ প্ৰাক্তন সভাপতি, অখিল ভাৰতীয় সাহিত্য পৰিষদৰ প্ৰাক্তন সভাপতি, হাতীগাঁও নৱাৰুণ সাহিত্য সভাৰ প্ৰতিষ্ঠাপক, বৃহত্তৰ হাতীগাঁও ৰঙালী বিহু সন্মিলনৰ প্ৰতিষ্ঠাপক, মাইবং সাহিত্য সভাৰ প্ৰতিষ্ঠাপক হোৱাৰ লগতে মৃত্যুৰ প্ৰাকমুহূৰ্তলৈতে বিভিন্ন অনুষ্ঠান-প্ৰতিষ্ঠানৰ সৈতে ওতঃপ্ৰোত ভাবে জড়িত হৈ আছিল৷