লোকসভা নিৰ্বাচনৰ প্ৰথম পৰ্যায়ৰ ভোটদান প্ৰক্ৰিয়া

লিডুঃ ৰাজ্যত বৃহস্পতিবাৰৰপৰা আৰম্ভ হৈছে লোকসভা নিৰ্বাচনৰ প্ৰথম পৰ্যায়ৰ ভোটগ্ৰহণ প্ৰক্ৰিয়া৷ কটকটীয়া নিৰাপত্তা বেষ্টনীৰ মাজত ডিব্ৰুগড় লোকসভা সমষ্টিৰ অন্তৰ্গত মাৰ্ঘেৰিটাৰ মুঠ ২৪৩ টা ভোটগ্ৰহণ কেন্দ্ৰত অনুষ্ঠিত হৈছে প্ৰথম পৰ্যায়ৰ ভোটগ্ৰহণ প্ৰক্ৰিয়া৷ 

তিনিচুকীয়া জিলাৰ মাৰ্ঘেৰিটা মহকুমাৰ বিভিন্ন প্ৰান্তৰত আজি পুৱা ৭ বজাৰ পৰাই ভোটদান কৰিবলৈ ওলাই আহিল শ শ সাধাৰণ ৰাইজ৷ গণতান্ত্রিক অধিকাৰ সাব্যস্ত কৰি নিজৰ যোগ্য প্ৰাৰ্থী গৰাকীক জয়ী কৰাবৰ বাবে স্বতৰ্স্ফূতভাৱে উলাই আহিল গ্ৰাম্য-চহৰাঞ্চলৰ বহু সচেতন ৰাইজ৷