মুম্বাইঃ মহাৰাষ্ট্ৰ গোৰেগাঁৱত দেওবাৰে এটা অৰ্ধনিৰ্মিত অট্টালিকাৰ আধা অংশ খহি পৰাত এজন লোকে প্ৰাণ হেৰুৱাবলগীয়া হোৱাৰ লগতে ৮ জন লোক আহত হয়৷ গোৰেগাওঁৰ আজাদ মৈদানত এই ঘটনা সংঘটিত হয়৷
উক্ত ঘটনা সংঘটিত হোৱাৰ পাছতেই ঘটনাস্থলিত উদ্ধাৰবাহিনী উপস্থিত হৈ উদ্ধাৰ অভিযান অব্যাহত ৰাখে৷
জানিব পৰা মতে, মহাৰাষ্ট্ৰস্থিত আজাদ মৈদানত এটা অট্টালিকাৰ নিৰ্মাণ কাৰ্য চলি থকাৰ অৱস্থাতেই আজি পুৱাই অট্টালিকাৰ অৰ্ধাংশ খহি পৰে৷ যদিও এই ঘটনাৰ সন্দৰ্ভত সঠিক কাৰণ এতিয়াও জানিব পৰা হোৱা নাই আৰু বৰ্তমানেও উদ্ধাৰ অভিযান অব্যাহত আছে৷