ৰাষ্ট্ৰপতি হ’বলৈ ওলোৱা কোন এই কোবিন্দ, প্ৰশ্ন মমতাৰ

ডিজিটল ডেস্কঃ বিজেপিয়ে ৰাষ্ট্ৰপতি পদৰ প্ৰাৰ্থী ঘোষণা কৰাৰ লগে লগে হতবাক হৈ পৰিছে তৃণমূল কংগ্ৰেছৰ নেত্ৰী তথা পশ্চিমংগৰ মুখ্যমন্ত্ৰী মমতা বেনাৰ্জী৷ বাতৰিটো পোৱাৰ লগে লগে নেডাৰলেণ্ডছলৈ যোৱাৰ পথতে ডুবাইত ইস-আস কৰি উঠে নেত্ৰীগৰাকীয়ে৷

‘যিজন মানুহক কোনেও চিনি নাপায়, নামটোকেই নাজানে, তেনে এজন লোকক প্ৰাৰ্থী হিচাপে থিয় কৰোৱাত আচৰিত লাগিছে৷ নামটো শুনি এনে লাগিছে যেন এইমাত্ৰ প্ৰাৰ্থীজন আকাশৰ পৰা সৰি পৰিছে৷’-সমৰ্থনৰ বাবে এদিন পূৰ্বে কেন্দ্ৰীয় বিত্তমন্ত্ৰী অৰুণ জেটলিয়ে ফোন কৰা বুলি সদৰী কৰি এইদৰে আশ্চৰ্য প্ৰকাশ কৰে মমতাই৷