ৰাজ্যসভা নিৰ্বাচনত জয়ী হৈ বিজেপিয়ে লাড্ডু খাইছে, উপ-নিৰ্বাচনত পৰাজয় বৰণ কৰি চকুৰে সৰিয়হ ফুল দেখিছেঃমায়াৱতী

ডিজিটেল ডেক্সঃ শুকুৰবাৰে অনুষ্ঠিত হোৱা ৰাজ্যসভা নিৰ্বাচনত বহুজন সমাজ পাৰ্টি (বি এছ পি)ৰ প্ৰাৰ্থীজনক ক্ৰছ ভোটিঙৰ জড়িয়তে বিজেপিয়ে পৰাজিত কৰাৰ পাছত প্ৰতিক্ৰিয়া প্ৰকাশ কৰিছে মায়াৱতীয়ে৷

নিৰ্বাচনটোত বিজেপিয়ে প্ৰশাসন যন্ত্ৰৰ অপব্যৱহাৰ আৰু চৰকাৰী সন্ত্ৰাস সৃষ্টি কৰাৰ অভিযোগ নেত্ৰীগৰাকীৰ৷ দলৰ এই পৰাজয়ে বি এছ পি আৰু সমাজবাদী পাৰ্টিৰ মিত্ৰতাত কোনো প্ৰভাৱ নেপেলায় বুলিও তেওঁ স্পষ্ট কৰি দিয়ে৷