গুৱাহাটীঃ কৰ্তন কৰা নহয় ৰাজ্যিক কৰ্মচাৰী আৰু পেঞ্চনাৰসকলৰ মাৰ্চ মাহৰ দৰমহা। শনিবাৰে এক সংবাদমেলযোগে এই কথা সদৰী কৰিছে ৰাজ্যৰ বিত্ত মন্ত্ৰী ডঃ হিমন্ত বিশ্ব শৰ্মাই। মন্ত্ৰীগৰাকীয়ে জনোৱা মতে অহা ৯ অথবা ১০ এপ্ৰিলত ৰাজ্যখনৰ সকলো কৰ্মচাৰী আৰু পেঞ্চনাৰে লাভ কৰিব দৰমহা আৰু পেঞ্চন।

'ভাৰতৰ বহু ৰাজ্যই কৰ্মচাৰীসকলৰ দৰমহা কৰ্তন কৰিছে। মুখ্যমন্ত্ৰীৰ সৈতে আলোচনা কৰাৰ অন্তত আমি কৰ্তন নকৰাৰ সিদ্ধান্ত লৈছো। আমাৰ সকলো কৰ্মচাৰীয়ে এইবাৰ সম্পূৰ্ণ দৰমহা পাব। অৱশ্যে মে’ মাহত হয়তো কৰ্তন কৰিবলগীয়া হ’ব পাৰে।’-এইদৰে কয় মন্ত্ৰীগৰাকীয়ে।

Categories: 

গুৱাহাটীঃ 'ছুপাৰস্প্ৰেডাৰ’ দিল্লীৰ নিজামুদ্দিনৰ বাংলেৱালী মছজিদ ভাৰতৰ কৰ’না ভাইৰাছৰ 'হটস্পট’ হৈ পৰাৰ দৰেকৈ বিলাসী অট্টালিকা স্পেনিছ গাৰ্ডেন গুৱাহাটীৰ বাবে কৰ’না ভাইৰাছৰ হটস্পট হৈ পৰিব নেকি? অট্টালিকাটোৰ ডি ব্লকত বাস কৰা মনীষ তিৱৰেৱাল নামৰ আট্যৱন্ত ব্যৱসায়ীগৰাকীৰ দেহত কৰ’না ভাইৰাছ ধৰা পৰাৰ পিছত পোহৰলৈ অহা এটাৰ পিছত এটাকৈ ঘটনাই এতিয়া প্ৰকট কৰি তুলিছে এনে সম্ভাৱনা।

গুৱাহাটীঃ অসমত শনিবাৰে দুপৰীয়া ১ বজা পৰ্যন্ত কৰ’নাত আক্ৰান্ত লোকৰ সংখ্যা হৈছে ২৫ জন। ইয়াৰে ২৪জনৰেই আছে ভাৰতৰ কৰ’নাৰ 'ছুপাৰস্প্ৰেডাৰ’ নিজামুদ্দিনৰ তবলীগ জামাতৰ সৈতে সম্পৰ্ক। শুকুৰবাৰৰ পুৱাৰ পৰা নিশালৈকে মুঠ ৭জন লোকৰ দেহত কৰ’নাৰ পজিটিভ ধৰা পৰাৰ পিছত শনিবাৰে দিনৰ ভাগত লখিমপুৰৰ আন এজন লোকৰ টেষ্ট পজিটিভ ওলায়।

যোৰহাটঃ অসমত কৰ’নাত আক্ৰান্তৰ সংখ্যা ক্ৰমাৎ বৃদ্ধি পোৱালৈ চাই লকডাউনৰ সময় বঢ়োৱা হ’ব পাৰে বহুতে আংশকা কৰাৰ সময়তে তেনে কোনো সম্ভাৱনাৰ কথা নুই কৰিছে ৰাজ্যৰ স্বাস্থ্যমন্ত্ৰী ডঃ হিমন্ত বিশ্ব শৰ্মাই। ১৪ এপ্ৰিলত লকডাউনৰ অন্ত পৰাৰ পিছতে ৰোগবিধৰ সংক্ৰমণ ৰোধ কৰাৰ বাবে নতুন বিকল্প কি কৰিব পৰা যাব সেই সম্পৰ্কে চৰকাৰে চিন্তা-চৰ্চা কৰি থকাৰ কথাও সদৰী কৰে মন্ত্ৰীগৰাকীয়ে।

Categories: 

বোকাজানঃ পাহাৰীয়া জিলা কাৰ্বি আংলংত প্ৰথমবাৰৰ বাবে লকডাউন অমান্য কৰাৰ বাবে আটক হ'ল চাৰিজন ব্যক্তি৷ আজি সন্ধিয়াৰ ভাগত আটক হয় লোক কেইজন ৷ সন্ধিয়াৰ ভাগত জিলাখনৰ সদৰ চহৰ ডিফুৰ পাৱাৰ হাউছ বজাৰ এলেকাত  বিনা কাৰণত ঘূৰি ফুৰাৰ বাবে আটক হ'ল লোক কেইজন৷

ডিফু নগৰ আৰক্ষী চকীৰ ভাৰপ্ৰাপ্ত আৰক্ষী বিষয়া হাওকাম চাংচনৰ নেতৃত্ব আৰক্ষীৰ এক টহলদাৰী দলে বিনা কাৰণত ঘূৰি থকাৰ বাবে আটক কৰে লোক কেইজনক৷ আটকাধীন লোক কেইজন হৈছে ক্ৰমে জয় লাল দাস, সঞ্জয় ছাহ, হৃত নাৰায়ণ প্ৰসাদ আৰু ছইদুল হক৷

Categories: 

বিশেষ প্ৰতিবেদনঃ এইকেইদিন সমগ্ৰ দেশতে চৰ্চিত হৈ পৰিছে এটা বিশেষ ধৰ্মীয় শব্দ। সেয়া হৈছে তবলীগ জামাত। এই তবলীগ জামাতৰেই  নেতা মৌলানা মহম্মদ চান্দ সম্প্ৰতি নিৰুদ্দেশ হৈ আছে। দিল্লীৰ নিজামুদ্দিন অঞ্চলত আয়োজন কৰা তবলীগ জামাতৰ এক কাৰ্যসূচী কৰ’না ভাইৰাছৰ হটস্পট হৈ পৰাৰ পিছতে কোনো সন্ধান পোৱা হোৱা নাই এইগৰাকী ধৰ্মীয় নেতাৰ।

Categories: 

গুৱাহাটীঃ ক্ৰমাৎ দ্ৰুত হাৰত অসমত বৃদ্ধি পাবলৈ লৈছে কৰ’নাত আক্ৰান্ত লোকৰ সংখ্যা। শুকুৰবাৰে সন্ধিয়াৰ ভাগত আৰু ৪জনৰ দেহত পজিটিভ ধৰা পৰাত ৰাজ্যখনত এই পৰ্যন্ত কৰ’না আক্ৰান্তৰ সংখ্যা হৈ পৰে ২০ জন। ইয়াৰে আটাইকেইগৰাকীয়েই 'ছুপাৰস্প্ৰেডাৰ’ হিচাপে পৰিগণিত হোৱা দিল্লীৰ নিজমুদ্দিনৰ তবলীগ জামাতত অংশগ্ৰহণ কৰিছিল বুলি টুইটযোগে সদৰী কৰিছে স্বাস্থ্যমন্ত্ৰী হিমন্ত বিশ্ব শৰ্মাই।

Categories: 

নতুন দিল্লীঃ ভাৰতত যোৱা ২৪ ঘণ্টাত সম্পন্ন কৰা হৈছে ৮০০০ লোকৰ কৰ’না টেষ্ট। এই কথা সদৰী কৰিছে ইণ্ডিয়ান কাউন্সিল অব মেডিকেল ৰিচাৰ্ছ চমুকৈ আইচিএমআৰে। সংস্থাটোৱে জনোৱা মতে বৰ্তমান ভাৰতত ১৮২ টা লেবত টেষ্ট চলি আছে আৰু ইয়াৰে ১৩০ টা লেবেই হৈছে চৰকাৰী।

ভাৰতত কৰ’না ভাইৰাছৰ ছুপাৰস্প্ৰেডাৰ হৈ পৰা দিল্লীৰ নিজামুদ্দিনৰ বাংলেৱালী মছজিদৰ তবলীগ জামাতৰ সৈতে সংযোগ থকা পজিটিভৰ ঘটনা ১৯খন ৰাজ্যৰ পৰা আহিছে বুলিও জনাইছে আইচিএমআৰে। সংস্থাটোৰ মতে যোৱা দুদিনত তবলীগ জামাতত ভাগ লোৱা লোকসকলৰ ৬৪৭ জনৰ দেহত কৰ’না ভাইৰাছ ধৰা পৰিছে।

Categories: 

গুৱাহাটীঃ দিল্লীৰ নিজামুদ্দিন অঞ্চলৰ তবলীগ জমাতৰ পৰা ঘুৰি আহি আত্মগোপন কৰা লোকসকলৰ বিৰুদ্ধে কঠোৰ হ’বলৈ প্ৰশাসন আৰু সমাজক আহ্বান জনাইছে প্ৰাক্তন আছু নেতা তথা সদৌ অসম গৰিয়া-মৰিয়া-দেশী জাতীয় পৰিষদৰ বৰ্তমানৰ কাৰ্যকৰী সভাপতি নুৰুল হকে। তেওঁ কয় যে যি সময়ত সমগ্ৰ বিশ্বতে কৰ’নাই ভয়াৱহ ৰূপ ধাৰণ কৰিছে সেই সময়ত সকলোৱে নিম্ন মানসিকতা, গোড়ামী আৰু অন্ধবিশ্বাস পৰিহাৰ কৰি চৰকাৰ-প্ৰশাসনক সহোযগিতা আগবঢ়োৱা উচিত।

গুৱাহাটী/গোৱালপাৰাঃ দিল্লীৰ নিজামুদ্দিনৰ তবলীগ জামাতত ভাগ লৈ আহি অসমত ভৰি থৈ এদিন পিছতে কৰ’নাৰ টেষ্টৰ বাবে নিজেই চিকিৎসালয়লৈ গৈছিল খবিৰ আহেমেদে। তেওঁৰ লগত তবলীগলৈ যোৱা আন ৬জন লোকেও নিজেই গৈছিল চিকিৎসালয়লৈ। তাৰ পিছতে তেওঁলোকক কোৱাৰেণ্টাইনত থাকিবলৈ পৰামৰ্শ আগবঢ়োৱা হয়। NNOৰ আগত ফোনযোগে এইদৰে কয় কৰ’না পজিটিভ ধৰা পৰা খবিৰে।

Categories: 

Pages