ষড়াণন বৰা, চামগুৰিঃ সম্প্ৰতি চামগুৰিত ক্ৰমান্বয়ে বৃদ্ধি পাবলৈ ধৰিছে চুৰিজনিত ঘটনা। মঙলবাৰে নিশাও চামগুৰি আৰক্ষীৰ জালত পৰিল এখন চুৰি বাইকসহ এটা কম বয়সীয়া দুৰ্ধৰ্ষ বাইক চোৰ। 

খাটোৱাল আৰক্ষী থানাৰ অন্তৰ্গত হেমাৰবড়ী গাঁৱত নিশা চামগুৰি আৰক্ষীয়ে অভিযান চলাই গ্ৰেপ্তাৰ কৰে বাইক চোৰটোক। স্থানীয় ৰাইজৰ সহযোগত আৰক্ষীয়ে গ্ৰেপ্তাৰ কৰা প্ৰায় ১৯ বছৰীয়া চোৰটোৰ নাম আৰ্জিকুৰ ইছলাম। 

উল্লেখযোগ্য যে, কিছুদিন পূৰ্বে AS-02F-9687 নম্বৰৰ চুৰি হোৱা স্পেণ্ডাৰ বাইকখনৰ সন্দৰ্ভত তদন্ত কৰিবৰ বাবে স্বত্বাধিকাৰীৰে চামগুৰি থানাত ৰুজু কৰিছিল 347/19 নম্বৰত এটা গোচৰ আৰু সেই গোচৰৰ ভিত্তিতেই আৰক্ষীয়ে মঙলবাৰে নিশা অভিযান চলাই বাইকসহ চোৰটোক গ্ৰেপ্তাৰ কৰিবলৈ সক্ষম হয়।