নগাওঁঃ নগাঁৱৰ ডিমৌ চাৰিআলিত উপস্থিত হৈ মুখ্যমন্ত্ৰী সৰ্বানন্দ সোনোৱালে বৰদোৱা থানৰ আদৰনি তোৰণৰ আধাৰশিলা স্থাপন কৰে৷ ৩৭নং ৰাষ্ট্ৰীয় ঘাইপথ সংলগ্ন ডিমৌ-ৰাইদঙীয়া পথত মু্খ্যমন্ত্ৰী গৰাকীয়ে ৰহা বিধান সভা সমষ্টিৰ বিধায়ক উন্নয়ন পুঁজিৰে নিৰ্মান হ'ব লগা তোৰণ খনৰ আধাৰশিলা স্থাপন কৰে৷

আধাৰশিলা স্থাপন কাৰ্য্যসূচীত জলসম্পদ মন্ত্ৰী কেশৱ মহন্ত, সাংস্কৃতিক দপ্তৰৰ মন্ত্ৰী নৱ কুমাৰ দলে, বিধায়ক ডিম্বেশ্বৰ দাস, ৰূপক শৰ্মা আৰু আঙুৰলতা ডেকা উপস্থিত থাকে৷

নগাঁও জিলাৰ উপায়ুক্ত চমছেৰ সিঙৰ লগতে উপস্থিত থাকে বটদ্ৰৱাৰ শ্ৰী শ্ৰী নৰোৱা সত্ৰৰ সত্ৰাধিকাৰ দেৱানন্দ দেৱগোস্বামী, বটদ্ৰৱা থান পৰিচালনা সমিতিৰ সভাপতি ব্ৰজেন কাকতি প্ৰমূখ্যে বহু গণ্যমান্য ব্যক্তি৷