মনোনয়ন দাখিলৰ পূৰ্বে প্ৰৱল আত্মবিশ্বাসী প্ৰদীপ কুমাৰ দৈমাৰী

ওদালগুৰিঃ দেশৰ দ্বিতীয় পৰ্যায়ৰ লোকসভা নিৰ্বাচনৰ মনোনয়ন-পত্ৰ দাখিলৰ বাবে ২৬ মাৰ্চক অন্তিম দিন হিচাপে ধাৰ্য কৰিছিল দেশৰ নিৰ্বাচনী আয়োগে। সেই অনুসৰি অন্তিম দিনটোৰ আগদিনাখনেই ৮ নম্বৰ মংগলদৈ লোকসভা সমষ্টিৰ বাবে বহুজনে দাখিল কৰিলে নিজৰ মনোনয়ন-পত্ৰ।

ইউনাইটেড পিপলছ পাৰ্টী লিৱাৰেল চমুকৈ ইউপিপিএলৰ মংগলদৈ লোকসভা সমষ্টিৰ প্ৰাৰ্থী প্ৰদীপ কুমাৰ দৈমাৰীয়েও সোমবাৰে দাখিল কৰে মনোনয়ন-পত্ৰ। পুৱাই ওদালগুৰিস্থিত পিজেএচিবিএমৰ কাৰ্যালয় তথা এনডিএফবি(প্ৰ)ৰ মনিটৰিং কেম্পৰপৰা এক বিশাল সমদলেৰে দৰং জিলাৰ সদৰ মংগলদৈ লৈ গৈ বিভাগীয় বিষয়াৰ হাতত নিজৰ মনোনয়ণ-পত্ৰ দাখিল কৰে ইউপিপিএলৰ প্ৰাৰ্থীগৰাকীয়ে।