ডিজিটেল ডেস্কঃ কংগ্ৰেছ নেত্ৰী সুস্মিতা দেৱৰ এটি টুইটে ধুমুহাৰ সৃষ্টি কৰিছে দেশৰ ৰাজনীতিত৷ একালৰ সতীৰ্থ হিমন্ত বিশ্ব শৰ্মাক ৰাম মাধৱ সন্দৰ্ভত প্ৰকাশিত বাতৰি সচা নে বুলি টুইট যোগে প্ৰশ্ন কৰে সাংসদ তথা মহিলা কমগ্ৰেছৰ সভানেত্ৰী সুস্মিতা দেৱে। সাংসদগৰাকীয়ে টুইট কৰাৰ পিছতেই একাংশ সংবাদ মাধ্যম বিশেষকৈ ৱেৱ মিডিয়াত বাতৰি প্ৰকাশ পায়৷
আনহাতে বাতৰিটো সন্দৰ্ভত নাগালেণ্ড বিজেপিয়ে টুইটাৰ যোগে সমস্ত ঘটনাক অস্বীকাৰ কৰে৷ The News Joint নামৰ ৱেব চাইটৰ বাতৰি মতে বিজেপিৰ আগশাৰীৰ নেতা ৰাম মাধৱ অনৈতিক কাৰ্যত লিপ্ত হৈ নগা যুৱতীৰ সৈতে ধৰা পৰে৷
বিজেপিৰ উত্তৰ পূৱৰ দায়িত্বত থকা প্ৰভাৱশালী নেতা জনে যোৱা প্ৰায় ৭দিন পূৰ্বে হাতে-লােটে এই কাৰ্যত লিপ্ত হৈ ধৰা পৰে৷
বিশেষ সুত্ৰৰ কথা উল্লেখ কৰি ৱেব চাইটটোৱে প্ৰকাশ কৰা বাতৰি অনুসৰি এনএছচিএনে ৰাম মাধৱক অসংযত অৱস্থাত ধৰা পেলায়৷ সমগ্ৰ অনৈতিক কাৰ্যৰ ভিডিঅ’ ৰেকৰ্ড কৰে উগ্ৰপন্থী সংগঠনটোৱে৷
উল্লেখ যোগ্য যে, এনএছচিএনে নাগালেণ্ডৰ নিৰ্বাচন বন্ধ নকৰিলে সেই ভিডিঅ’ প্ৰচাৰ কৰাৰ ভাবুকি দিয়া বুলিও প্ৰকাশ কৰে ৱেবচাইটটোৱে৷ যোৱা সপ্তাহত নিৰ্বাচন সম্পৰ্কীয় আলোচনা কৰিবলৈ নাগালেণ্ডলৈ আহিছিল বিজেপি নেতা ৰাম মাধৱ৷
সেই সময়ত ডিমাপুৰৰ এখন বিলাসী হোটেলত থিতাপি লৈছিল ৰাম মাধৱ৷ সেই সময়তে দুগৰাকী এই ঘটনা সংঘটিত হোৱা বুলি কোৱা হৈছে।
কিন্তু বিশেষ সুত্ৰৰ মতে ৰাম মাধৱক এনএছচিএনে কেমেৰাৰ সন্মুখত যুৱতীৰ সৈতে অনৈতিক কাৰ্যত লিপ্ত হ’বলৈ বাধ্য কৰিছিল৷ উক্ত সময়ত ৰাম মাধৱে অসমৰ প্ৰভাৱশালী মন্ত্ৰী ড০ হিমন্ত বিশ্ব শৰ্মাক যোগাযোগ কৰিবলৈ চেষ্টা কৰিছিল যদিও সেয়া সক্ষম নহ’ল৷
এনএছচিএনে হিমন্ত আৰু ৰাম মাধৱৰ সৈতে হোৱা কথাও বাৰ্তা ফোন টেপ কৰে৷ এই বাতৰিটোত newsnextone.comৰ নিজা তথ্য নাই৷
The News Joint নামৰ ৱেবচাইটৰ পৰাহে দাতা সংগ্ৰহ কৰা হৈছে৷ আনহাতে jantakareporter.com-এ এই বাতৰি প্ৰকাশ কৰে। thedwanlitpost-এ এই বাতৰি প্ৰকাশ কৰে।
নগালেণ্ড বিজেপিয়ে এক বিবৃতি যোগে এই বাতৰিক ভুৱা আখ্যা দিয়ে৷ ৰাম মাধৱক জনমানসত হেয় প্ৰতিপন্ন কৰিবলৈ এনে বাতৰি কৰা বুলি অভিযোগ উত্থাপন কৰে৷
নাগালেণ্ড বিজেপিয়ে তথ্য প্ৰযুক্তি আইনৰ অধীনত গোচৰ ৰুজু কৰাৰ কথাও প্ৰকাশ কৰে৷ এই বাতৰিৰ বিশ্বাস যোগ্যতাৰ সন্দৰ্ভতো প্ৰশ্ন উদয় হৈছে৷