থাইলেণ্ডৰ গুহাত আৱদ্ধ ফুটবল দলৰ ৪ কিশোৰক উদ্ধাৰ

newsnextone.com | ডিজিটেল ডেস্কঃ থাইলেণ্ডত প্ৰায় ২ সপ্তাহ ধৰি গুহাৰ ভিতৰত আবদ্ধ হৈ থকা ফুটবল দলটোৰ ৪ গৰাকী কিশোৰক উদ্ধাৰ কৰিবলৈ সক্ষম হয় উদ্ধাৰকাৰী দলে৷ দ্ৰুত চেষ্টা অব্যাহত ৰখাৰ ফলতেই ৪গৰাকী কিশোৰক উদ্ধাৰ কৰিবলৈ সক্ষম হয়৷ থাই প্ৰশাসনিক বিষয়াই ৰবিবাৰে সংবাদ মাধ্যমক গুহাৰ সমীপত স্থাপিত শিৱিৰৰ ঠাই খালী কৰি দিয়াৰ বাবে আহ্বান জনাইছিল৷ 

প্ৰশাসনিক বিষয়াই সংবাদকৰ্মীসকলক ভুক্তভোগীসকলৰ সুবিধাৰ্থে ঠাইটুকুৰা খালী কৰিবলৈ কয়৷ আনহাতে থাই প্ৰশাসনৰ এই সিদ্ধান্তৰ পিছতে আবদ্ধ ফুটবল দলটোক উদ্ধাৰৰ বাবে প্ৰশাসনৰ সেয়া অন্তিম প্ৰয়াস বুলি অনুমান কৰা হৈছে৷