72
বেইজিংঃ ভয়াৱহ ৰূপ ধাৰণ কৰা কৰ’নাক বাধা দিবলৈ চেষ্টা অব্যাহত ৰাখিছে বিশ্বৰ ভিন্ন প্ৰান্তৰ চিকিৎসা বিজ্ঞানীসকল। দ্ৰুতগতিৰে এই ভাইৰাছবিধে গ্ৰাস কৰিছে সমগ্ৰ বিশ্বক। এই পৰ্যন্ত সমগ্ৰ বিশ্বতে কৰ’নাত আক্ৰান্ত হৈছে লক্ষাধিক লোক। মৃত্যু হৈছে ৪ হাজাৰৰো অধিক। আক্ৰান্ত হৈছে গ্ৰেট ব্ৰিটেইনৰ স্বাস্থ্যমন্ত্ৰী, ইৰাণৰ সাংসদ, হলীউডৰ অভিনেতা টম হেংকছৰ দৰে বিশিষ্ট লোকসকলো।
এনে পৰিপ্ৰেক্ষিতত বুধবাৰে কৰ’না ভাইৰাছৰ সংক্ৰমণক মহামাৰীতকৈয়ো ভয়াৱহ অতি মহামাৰী হিচাপে ঘোষণা কৰিছে বিশ্ব স্বাস্থ্য সংস্থা (WHO)ই। আতংকৰ মাজতেই এতিয়া সকলোৱে বাট চাই ৰৈছে এই ৰোগবিধৰ ঔষধ উপলব্ধ হোৱা দিনটোলৈ। সঁচাকৈয়ে শীঘ্ৰেই কৰ’না ভাইৰাছৰ বিৰুদ্ধে যুঁজ দিব পৰাকৈ ঔষধ প্ৰস্তুত কৰাতো সম্ভৱ হ’বগৈনে?