73
newsnextone.com | ডিজিটেল ডেস্কঃ বিজেপি বিৰোধী দলে ৰাজ্যসভাৰ উপাধ্যক্ষ পদৰ বাবে প্ৰাৰ্থী থিয় কৰাবলৈ সাজু হৈছে। মঙলবাৰে কংগ্ৰেছ নেতা গোলাম নবী আজাদৰ বাসগৃহত অনুষ্ঠিত হোৱা বৈঠকত একপ্ৰকাৰ এই কথা স্পষ্ট কৰে। বিৰোধী দল সমূহে একত্ৰিত হৈ ৰাজ্যসভাৰ উপ-সভাপতি পদৰ বাবে প্ৰাৰ্থী থিয় কৰাব। মহাৰাষ্ট্ৰৰ ৰাষ্ট্ৰবাদী কংগ্ৰেছৰ নেত্ৰী তথা ৰাজ্যসভাৰ সাংসদ বন্দনা চবহান হ’ব বিৰোধী দলৰ প্ৰাৰ্থী।
কিন্তু সাংসদ বন্দনা চবহানে এই প্ৰচাৰক নুই কৰে। বন্দনাই কয় যে যদি কোনো মহিলা ৰাজ্যসভাৰ উপাধ্যক্ষ পদৰ নিৰ্বাচনত জয়ী হয় মই আনন্দিত হ’ম। কিন্তু এই ক্ষেত্ৰত কোনো সিদ্ধান্ত হোৱা নাই। বিৰোধী দলৰ বৈঠক অনুষ্ঠিত হৈছে সিদ্ধান্ত লওতে অলপ সময় লাগিব।
