ডিজিটেল ডেস্কঃ পাঞ্জাৱ নেচনেল বেংকৰ এতিয়া পানীত হাঁহ নচৰা অৱস্থা৷ ১১ হাজাৰ কোটিতকৈও অধিক টকা লৈ উধাও হোৱা ব্যৱসায়ী নীৰৱ মোডী এতিয়া পলাতক। হীৰা ব্যৱসায়ী মোডীৰ পত্নী আৰু ল’ৰা-ছোৱালী সম্প্ৰতি নিউয়ৰ্কত৷  PNBৰ ঘটনাৰ বাবে সমগ্ৰ দেশতে সমালোচনাৰ এতিয়া তুংগত উঠাৰ সময়তে তীব্ৰ সমালোচনাৰ সন্মুখীন হৈছে প্ৰধানমন্ত্ৰী নৰেন্দ্ৰ মোডী৷ সমালোচনাত পিছ পৰি ৰোৱা নাই বিৰোধী দলসমূহৰ লগতে সহযোগী দলসমূহো৷ 

প্ৰতিটো সময়তে বিজেপি দলৰ কিছুমান কাৰ্যকলাপক কেন্দ্ৰ কৰি নৰেন্দ্ৰ মোডীক সমালোচনা কৰি অহা বিজেপি দলৰে সাংসদ শত্ৰুঘ্ন সিনহাই PNB কাণ্ডকলৈও কটাক্ষ কৰিবলৈ নেৰিলে শাসিত চৰকাৰৰ লগতে নৰেন্দ্ৰ মোডীক৷ এই ঘটনাৰ বাবে টুইট কৰা সিনহাই সমালোচনাৰ লক্ষ্য কৰি লয় প্ৰধানমন্ত্ৰী মোডীক৷ 

সিনহাই মোডীক ব্যংগাত্মকভাৱে চকীদাৰ আখ্য দি টুইটত কয় ‘ডাঙৰ চকীদাৰ টোপনি গ’ল, সৰু শক্তিমান পলাই গ’ল’৷ সিনহাৰ এই টুইটৰ প্ৰসংগক লৈ বৰ্তমান ছচিয়েল মিডিয়াত বিভিন্ন ধৰণৰ প্ৰতিক্ৰিয়া দেখিবলৈ পোৱা গৈছে৷ শত্ৰুঘ্ন সিনহাই প্ৰথম টুইট যোগে কয়, ‘হে প্ৰধান সেৱক, হে প্ৰধান ৰক্ষক, চকীদাৰ-য়ে-ৱতন’, দেশৰ সকলো ধুৰন্ধৰে দিন-দুপৰতে প্ৰৱঞ্চনা কৰি বিদেশলৈ পলাই যায়, ইয়াৰ বাবে কি আমি নেহৰুক দোষাৰোপ কৰিম, যিয়ে আন্তঃৰাষ্ট্ৰীয় ভ্ৰমণৰ বাবে এয়াৰলাইনছক অনুমতি প্ৰদান কৰিছিল? 

3 P's are making lots of noise, news & havoc in India at present..
1.Pakoras https://t.co/IJ3qbmtGKB
3.PNB
..not necessarily in that order...
Someone rightly pointed out -
बड़ा चौकिदार सो गया, छोटा दमदार खो गया, और हम सब देखते रह गये।।
Hope wish and pray that...1>2

— Shatrughan Sinha (@ShatruganSinha) February 18, 2018

সিনহাই দ্বিতীয়টো টুইটত দুজনক লক্ষ্য কৰি কয়, ‘ডাঙৰ চকীদাৰ টোপনি গ’ল, সৰু শক্তিমান পলাই গ’ল’ আৰু এতিয়া আমি সকলোৱে ৰৈ চাই আছোঁ৷ অন্য এটা টুইটত শত্ৰুঘ্ন সিনহাই মোডীৰ বিমুদ্ৰাকৰণ প্ৰক্ৰিয়াক লক্ষ্য কৰি কয়, চকীদাৰ-য়ে-ৱতন, বিমুদ্ৰাকৰণ প্ৰক্ৰিয়াক ইয়াৰ সতে জড়িত নকৰিব, আগন্তুক সময়ত আৰু এনে লোক ওলোৱাৰ সম্ভাৱনা আছে৷ 

জানিব পৰা মতে, মহাৰাষ্ট্ৰৰ বিজেপিৰ সহযোগী দল শিৱসেনাইও PNB ঘটনাকলৈ বিজেপি দলক তীব্ৰ সমালোচনা কৰে৷ শিৱসেনা চৰকাৰে কয়, পলাতক PNB কেলেংকাৰীত অভিযুক্ত নীৰৱ মোডীক ভাৰতীয় ৰিজাৰ্ভ বেংকৰ গৱৰ্নৰ পাতি দিয়া উচিত৷ নহ’লে নীৰৱে দেশ ধ্বংস কৰিব৷ শিৱসেনা দলৰ প্ৰবক্তাই এই অভিযুক্ত নীৰৱ মোডীক ডাবোচত নৰেন্দ্ৰ মোডীৰ সতে ফটো তুলি থকা প্ৰত্যক্ষ কৰা বুলি উল্লেখ কৰিছে৷