66
Newsnextone | ডিজিটেল ডেস্কঃ অ’বামাৰ প্ৰশাসনৰ সময়ত ২০১৫ চনত স্বাক্ষৰিত ইৰান-আমেৰিকা পাৰমাণৱিক চুক্তিখন বাতিল কৰাৰ বাবে আমেৰিকা যুক্তৰাষ্ট্ৰৰ ৰাষ্ট্ৰপতি ডোনাল্ড ট্ৰাম্পৰ সিদ্ধান্তক কটু সমালোচনা কৰিছে ইৰাণৰ সংসদৰ অধ্যক্ষ আলী লাৰিজানিয়ে৷ ৰাজ্যিক টিভিত লাইভ হৈ থকা অৱস্থাত বুধবাৰে অধ্যক্ষগৰাকীয়ে সংসদত কয় যে সমস্যা সমাধানৰ ক্ষেত্ৰত ট্ৰাম্পৰ মানসিক সক্ষমতা নাই৷
ৰাষ্ট্ৰপতি পদৰ বাবে ট্ৰাম্পৰ যোগ্যতাৰ ওপৰত প্ৰশ্ন তুলি অধ্যক্ষগৰাকীয়ে কয় যে পাৰমাণৱিক চুক্তিখন বাতিল কৰাৰ সিদ্ধান্তটো এখন কূটনৈতিক নাটকহে৷ কিন্তু সাম্প্ৰতিক পৰিস্থিতিৰ প্ৰতি লক্ষ্য ৰাখি ইৰাণ চৰকাৰে নিজৰ প্ৰতিশ্ৰুতি আৰু পণ ৰক্ষা কৰি চলিব বুলিও জনায় অধ্যক্ষগৰাকীয়ে৷
