02 May

আকৌ বিপ্লৱ, চৰকাৰৰ বিৰুদ্ধে কলে নখ কাটি দিব লাগে

By NNO WEB BUREAU 0 Comments

ডিজিটেল ডেস্কঃ পুনৰ বিতৰ্কিত মন্তব্য প্ৰকাশ কৰি বাতৰিৰ শিৰোনাম দখল কৰিছে ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱে৷ আমাৰ চৰকাৰৰ বিৰুদ্ধে কোনো লোকে আঙুলি তুলিলে তাৰ নখ কাটি পেলোৱা দৰকাৰ বুলি কয়৷ বিপ্লৱ কুমাৰ দেৱে কয় ‘‘যদি কোনোৱে আমাৰ চৰকাৰৰ বিৰুদ্ধে আঙুলি উঠাই নতুবা আচোৰ দিনিবলৈ চেষ্টা কৰে তেওঁলোকৰ নখ কাটি পেলোৱা উচিত৷’’ 

ইমানে নহয় বিপ্লৱ কুমাৰ দেৱে পুৱা ৮ বাজত বজাৰত পাচলি বিক্ৰেতা আহে বুলি কয়৷ ৯টাত সেই পাচলি সকলোৱে লব বিচাৰে৷ যিসকলে তাত আচোৰ আনিব বিচাৰে তেওঁলোকৰ নখ কাটি দিয়া উচিত বুলি কয়৷ আন যিয়ে নহওক কৰ্মৰে নহলেও বিতৰ্কিত মন্তব্য প্ৰকাশ কৰি হলেও উত্তৰ পূৱৰ এগৰাকী লোকে বাতৰিৰ শিৰোনাম দখল কৰিবলৈ সক্ষম হৈছে৷ 

ত্ৰিপুৰাৰ বিতৰ্কিত মুখ্যমন্ত্ৰী বিপ্লৱ কুমাৰ দেৱৰ প্ৰতিটো বিতৰ্কিত মন্তব্যক মৰণোত্তৰ কৰি প্ৰকাশ কৰি আহিছে ৰাষ্ট্ৰীয় সংবাদ মাধ্যমে৷ প্ৰথমে ত্ৰিপুৰাৰ মুখ্যমন্ত্ৰী বিপ্লৱ কুমাৰ দেৱে মহাভাৰতৰ যুগত ইণ্টাৰনেট আৰু ছেটেলাইট ফোন আছিল বুলি দাবী কৰি বিতৰ্কৰ সৃষ্টি কৰে৷ 

পুনৰ মুখ্যমন্ত্ৰী বিপ্লৱ কুমাৰ দেৱে ঐশ্বৰ্য ৰায়ক প্ৰকৃত ভাৰতীয় সুন্দৰী আখ্যা বিশ্ব সুন্দৰী ডায়েনা হেডেন বিশ্ব সুন্দৰী হোৱাৰ যোগ্য নাছিল বুলি কোৱাৰ লগতে নাগৰিকত্বক লৈ প্ৰশ্ন উত্থাপন কৰি বিতৰ্কৰ সূচনা কৰে৷ মুখ্যমন্ত্ৰী বিপ্লৱ কুমাৰ দেৱে আগৰতলাত এটি ডিজাইন কৰ্মশালা উদ্ধোধন কৰি ডায়েনা হেডেনক ভাৰতীয় সুন্দৰী নহয় বুলি কয়৷ 

ভাৰতৰ সুন্দৰী লক্ষ্মী-স্বৰস্বতীৰ দৰে হ’ব লাগিব৷ ডায়েনা হেডেন বিশ্ব সুন্দৰী হোৱাৰ যোগ্য নাছিল৷ একমাত্ৰ ঐশ্বৰ্য ৰায়ে শীৰ্ষ সেই পদ পোৱাৰ যোগ্য আছিল৷ কিয়নো ঐশ্বৰ্যই বিশুদ্ধ ভাৰতীয় হিচাপে প্ৰতিনিধিত্ব কৰিছিল বুলি কৈছিল মুখ্যমন্ত্ৰী দেৱে৷ 

ইমানে নহয় ভাৰতীয় মহিলাই কচমেটিক্স নতুবা চেম্পু ব্যৱহাৰ কৰা, কিহেৰে গাধুব লাগে তাকো কয়৷ আন্তৰ্জাতিক বজাৰৰ স্বাৰ্থ ৰক্ষা কৰাৰ বাবে ডায়েনাক বিশ্ব সুন্দৰী ঘোষণা কৰা হৈছিল বুলি কয় বিপ্লৱ কুমাৰ দেৱে৷ উল্লেখ্য যে, বিশ্ব সুন্দৰী হেডেন হায়দৰাবাদত জন্মগ্ৰহণ কৰিছিল৷ বিপ্লৱ কুমাৰ দেৱৰ এই মন্তব্যৰ পিছতে আৰম্ভ হয় মহাবিতৰ্কৰ৷

আকৌ আগৰতলাৰ এটি অনুষ্ঠানত অংশ লৈ দাবী কৰি কয় যে মেকানিকেল ইঞ্জিনিয়াৰিঙৰ ছাত্ৰই লোকসেৱা আয়োগৰ পৰীক্ষাত বহা উচিত নহয়৷ এই পদৰ বাবে চিভিল ইঞ্জিনিয়াৰিঙৰ ছাত্ৰ প্ৰকৃত যোগ্য৷ তেওঁলোকৰ সমাজ গঢ়াৰ জ্ঞান আছে বুলি কয়৷ 

এই মন্তব্য প্ৰকাশ কৰাৰ পিছতে ট্ৰল হয় মুখ্যমন্ত্ৰী৷ এই মন্তব্য প্ৰকাশ কৰাৰ ২৪ ঘণ্টা পাৰ নৌহওঁতেই আন এক মন্তব্য প্ৰকাশ কৰে ত্ৰিপুৰাৰ মুখ্যমন্ত্ৰীয়ে৷
শনিবাৰে প্ৰকাশ কৰা মন্তব্যৰ তীব্ৰ সমালোচনাৰ সন্মুখিন হোৱাৰ পিছতো পুনৰ উচ্চ শিক্ষিত ছাত্ৰ-ছাত্ৰীক একপ্ৰকাৰ ইতিকিং কৰি গাই পালন কৰা ভাল কাম বুলি কয়৷
পান দোকান দিবলৈ কৈ ৫ লাখ টকা উপাৰ্জন কৰিব পাৰি বুলি কয়৷

দেৱে কয় ‘‘প্ৰতিঘৰ মানুহৰ ঘৰত গাই থাকিব লাগে৷ ইয়াত গাখীৰৰ ৫০ টকা লিটাৰ৷ কোনোৱে স্নাতক৷ ১০ বছৰ ধৰি চাকৰিৰ বাবে ঘুৰি ফুৰে৷ যদি ১০ বছৰে গাই পালন কৰিলে হেতেন তেন্তে নিজে নিজেই বেংকৰ একাউণ্টত ১০ লাখ টকা জমা থাকিলহেতেন৷’’ এতিয়া এগৰাকী মুখ্যমন্ত্ৰীৰ অদ্ভুত যুক্তিয়ে হাঁহিৰ খোৰাক দিয়াৰ লগতে আন একাংশ লোকে বাতুলামি আখ্যা দিয়ে৷