45
ওদালগুৰিঃ লোকসভা নিৰ্বাচনলৈ মাজত মাত্ৰ এটা মাহ বাকী। ইতিমধ্যে প্ৰতিটো দলেই নিৰ্বাচনৰ ৰণকৌশল প্ৰস্তুত কৰিছে। সমানে ব্যস্ততা বাঢ়িছে সাম্ভাব্য প্ৰাৰ্থীসকলৰ মাজত। ৰাজ্যৰ ১৪ টা লোকসভা সমষ্টিৰ ভিতৰত অতিগুৰুত্বপূৰ্ণ লোকসভা সমষ্টি হ’ল মঙ্গলদৈ লোকসভা সমষ্টি।
ইতিমধ্যে উক্ত লোকসভা সমষ্টিৰ ওপৰত বিভিন্ন ৰাজনৈতিক দলৰ শেনচকু পৰা দেখিবলৈ পোৱা গৈছে। প্ৰতিটো ৰাজনৈতিক দলেই সমষ্টিটোত দখলৰ বাবে ৰাজনৈতিক কুচকাৱাজ অব্যাহত ৰাখিছে। কংগ্ৰেছ দলৰ পৰাও উক্ত সমষ্টিত নিৰ্বাচনত প্ৰতিদন্দ্বীতাৰ বাবে বিগত ২১ ফেব্ৰুৱাৰীত ১০ গৰাকী প্ৰাৰ্থীয়ে আৱেদন দাখিল কৰিছে। ফলত সমষ্টিটোত বিজেপি দলৰ হৈ কোনে প্ৰাৰ্থীত্ব লাভ কৰিব তাকে লৈ অব্যাহত আছে জল্পনা কল্পনা।