ওদালগুৰিঃ মঙলবাৰে দ্বিতীয় পৰ্যায়ৰ নিৰ্বাচনৰ মনোনয়ন দাখিলৰ অন্তিম দিন৷ সোমবাৰে মনোনয়ণ পত্ৰ দাখিল কৰিব মংগলদৈ লোকসভা সমষ্টিৰ ইউপিপিএলৰ প্ৰাৰ্থী প্ৰদীপ কুমাৰ দৈমাৰীয়ে৷
ইউপিপিএলৰ দলটোৱে মংগললদৈ সমষ্টি দখল কৰাৰ দাবী কৰে ৰাজহুৱাভাৱে৷ আনহাতে এক লক্ষাধিক ভোটৰ ব্যৱধানত জয়ী হোৱাটো নিশ্চিত বুলি প্ৰদীপ দৈমাৰীয়ে ৰাইজক দাঠি দি কয়৷
লগতে প্ৰদীপ দৈমাৰীয়ে ফলাফলৰ আগজাননী আগতীয়াকৈ ৰাইজৰ আগত প্ৰকাশ কৰে৷ কংগ্ৰেছৰ দৰে বিজেপিয়েও ৰাইজক প্ৰতাৰণা কৰিছে৷ যাৰ বাবে প্ৰথম ইউপিপিএল, দ্বিতীয় বিজেপি আৰু কংগ্ৰেছ তৃতীয় স্থানত থাকিব বুলি কয় প্ৰাৰ্থীগৰাকীয়ে৷
আনহাতে, হাগ্ৰামা হ'ল প্ৰফেশ্যনেল পলিটিচিয়ান, সুবিধাবাদী চৰিত্ৰৰ লোক৷ যাৰ বাবে তেওঁ ৰাজনীতিৰ ক্ষেত্ৰত বিশেষ একো কৰিব পৰা নাই বুলি এবছুৰ দ্বীপেন বড়োৱে হাগ্ৰামাক সমালোচনা কৰে৷
উল্লেখ্য যে, মনোনয়ণৰ বাবে পুৱাই এক বিশাল সমদলেৰে মংগলদৈলৈ যাত্ৰা কৰাৰ পথত লগত সংগ দিছে এবছু, ছনডিএফবি(প্ৰ) আৰু পিজেএচিবিএমৰ নেতৃত্বই৷