110
নগাঁওঃ নামঘৰৰ সৈতে আছে অসমীয়া সমাজ জীৱনৰ এৰাব নোৱাৰা সম্পৰ্ক৷ সমাজ জীৱনৰ এক অপৰিহাৰ্য অংগ হৈ পৰিছে নামঘৰসমূহ৷ অসমীয়াৰ বৰঘৰ সদৃশ একো একোটা নামঘৰ সমন্বয়ৰ প্ৰতীক, সংস্কৃতিৰ ভৰাল স্বৰূপ। মানুহে শান্তিৰ বাবে প্ৰাৰ্থনা কৰাৰ এক পবিত্ৰ স্থান৷
উপাসনা কৰাৰ লগে লগে সমাজ খনৰ বিভিন্ন কথাৰ বাবে এতত্ৰিত হোৱা ঠাই হৈছে নামঘৰসমূহ৷ মহাপুৰুষ শ্ৰীমন্ত শংকৰদেৱে বৈষ্ণৱ ধৰ্ম প্ৰচাৰৰ বাবে নামঘৰ প্ৰতিষ্ঠা কৰিছিল৷ মহাপুৰুষ শ্ৰীমন্ত শঙ্কৰদেৱে নৱ-বৈষ্ণৱ ধৰ্ম প্ৰসাৰৰ বাবে নামঘৰ আৰু সত্ৰ প্ৰতিষ্ঠা কৰি থৈ গৈছে৷ শংৰদেৱৰ ধৰ্ম প্ৰচাৰৰ কেন্দ্ৰস্থল স্বৰূপ ৰাজ্যৰ এটি নামঘৰে ২০০ বছৰ অতিক্ৰম কৰিল৷
