কোকৰাঝাৰঃ সমন্বয়ত যি শক্তি আছে, সংঘাতত সেয়া নাই। হাগ্ৰামা মহিলাৰীৰ বলিষ্ঠ ভূমিকাৰ বাবেই বিটিচি গঠন হোৱাৰ মাথো ১৪ টা বছৰতে অঞ্চলটোলৈ শান্তি, সমন্বয় ঘূৰি আহি যি উন্নয়নমুখী গতি লৈছে সেয়া অভূতপূৰ্ব । এই মন্তব্য ৰাজ্যৰ মুখ্যমন্ত্ৰী সৰ্বানন্দ সোণোৱালৰ ।
কোকৰাঝাৰৰ বডোফা নগৰস্থিত বিটিচি সচিবালয়ৰ বিশাল পথাৰত ১৫ সংখ্যাক বড়োলেণ্ড দিৱসৰ কাৰ্যসূচীত মুখ্য অতিথি হিচাপে অংশগ্ৰহণ কৰি মুখ্যমন্ত্ৰী সৰ্বানন্দ সোণোৱালে উক্ত মন্তব্য প্ৰকাশ কৰি অসমৰ বুকুত শান্তি ঘূৰাই অনাৰ ক্ষেত্ৰত বিটিএডি অঞ্চলৰ অৱদান আছে বুলি উল্লেখ কৰে। অসমৰ খিলঞ্জীয়াৰ অস্তিত্ব ৰক্ষাৰ বাবে চৰকাৰৰ মূল লক্ষ্যই হৈছে বিদেশীমুক্ত, দূৰ্নীতিমুক্ত, প্ৰদূষণমুক্ত আৰু সন্ত্ৰাসবাদমুক্ত অসম গঢ়া বুলি উল্লেখ কৰি নিজৰ ভাষণৰ অধিকাংশতে হাগ্ৰাামা মহিলাৰী আৰু চৰকাৰৰ গুণগান গায় সৰ্বানন্দ সোণোৱালে । সম অধিকাৰ ,সম উন্নয়নৰ বাবে চৰকাৰে দৃঢ়তাৰে কাম কৰি যাব বুলি উল্লেখ কৰি আত্মসহায়ক গোট আৰু নিবনুৱাৰ কৰ্মসংস্থাপনৰ বাবে চৰকাৰে বিশেষভাৱে কাম কৰি যাব বুলি উল্লেখ কৰে ।
