লংকাঃ ৰাজ্যত এতিয়া জনসাধৰণৰ লগে লগে নিৰাপত্তাহীনতাত বন্য জীৱ-জন্তু৷ একাংশ বনদস্যু বীৰাপ্পানৰ দৰে মানুহে গভীৰ বনঞ্চলসমূহ ধ্বংস কৰাত জীৱ-জন্তুসমূহ খাদ্যৰ সন্ধানত হাহাকাৰ কৰিব লগা হৈ জনা্চলত ওলাই আহিব লগা হৈছে৷ পেটৰ তাড়ণাত জনাঞ্চললৈ ওলাই অহা গঁড়, হাতী, হৰিণা আদি জীৱ-জন্তুসমূহ অৰঙে-দৰঙে ঘূৰি-ফুৰি আঁকোৱালি ল’ব লগা হৈছে মৃত্যুক৷ কেতিয়াবা দি মানুহৰ হাতত প্ৰাণ দিব লগা হৈছে আকৌ কেতিয়াবা ৰেলৰ খুন্দাত প্ৰাণ দিব লগা হয় অবুজ প্ৰাণীবোৰে৷
একাংশ মানুহেই যেন হৈ পৰিছে মৃত্যুদূত৷ এচাম নিঃকৰুণ মানুহে চোৰাংভাৱে গঁড় হত্যা কৰি আহিছে অৰ্থৰ লোভত৷ এনে বহু ঘটনাৰ মাজতেই শনিবাৰে নিশা হোজাই জিলাৰ লংকাত বন বিভাগ আৰু ৰেল বিভাগৰ সমন্বয়হীনতাৰ ফলতেই দুৰ্ঘটনাত পতিত হৈ পুনৰ প্ৰাণ হেৰুৱালে চাৰিটাকৈ বনৰীয়া হাতীয়ে। নিশা প্ৰায় ৯-৩০ বজাত হোজাই জিলাৰ লংকাৰ হাৱাইপুৰ আৰু লুমচাখাং ৰেল ষ্টেচনৰ মাজত সংঘটিত হয় এই শোকাবহ দুৰ্ঘটনাটো।
