ষষ্ঠ স্থানৰ কৃতিত্ব; সপোন অনন্য

বৰপেটাঃ ৰাজ্যৰ লক্ষ লক্ষ শিক্ষাৰ্থীৰ বহুল প্ৰত্যাশিত হাইস্কুল শিক্ষান্ত পৰীক্ষাৰ বুধবাৰে ফলাফল ঘোষণা হয়৷ আশা-প্ৰত্যাশাৰ মাজত সফলতাৰ হাঁহি বিৰিঙিল বহু শিক্ষাৰ্থীৰ মুখত৷ বৰপেটা চহৰৰ দুগৰাকী শিক্ষাৰ্থীয়েও ষষ্ঠ স্থান দখলেৰে গৌৰৱ কঢ়িয়াই আনিলে অঞ্চলটোলৈ৷ 

বৰপেটাৰ চেণ্ট মেৰিজ স্কুলৰ ছাত্ৰীদ্বয় ৰাজশ্ৰী পাঠক আৰু অভিপ্সা দাসে আটাইকেইটা বিষয়তে লেটাৰ মাৰ্ক সহ সৰ্বমুঠ ৫৮৮ নম্বৰেৰে ষষ্ঠ স্থান দখলৰ কৃতিত্ব লাভ কৰে৷ শিক্ষাৰ্থী দুগৰাকীৰ এই সাফল্যত স্বাভাৱিকতে উৎফুল্লিত হৈ পৰিছে শিক্ষক-শিক্ষয়িত্ৰী, স্কুল কৰ্তৃপক্ষ, অভিভাৱকৰ লগতে অঞ্চলবাসী৷