newsnextone.com | ডিজিটেল ডেস্কঃ লোকসভাত শুকুৰবাৰে বিৰোধী দলৰ অনাস্থা প্ৰস্তাৱ সন্দৰ্ভত আলোচনা আৰু ভোটদান অনুষ্ঠিত হ’ব৷ ১৮ জুলাইৰ পৰা দুয়ো সদনৰ বৰ্ষাকালীন অধিবেশনত বিৰোধী দলৰ অনাস্থা প্ৰস্তাৱ দাখিল কৰিছিল৷ ইতিমধ্যে বিৰোধী দলৰ নেতা আৰু শাসকীয় দলৰ নেতাই লোকসভাত নিজ নিজ মন্তব্য দাঙি ধৰিছে৷ প্ৰধানমন্ত্ৰী নৰেন্দ্ৰ মোডীয়ে শুকুৰবাৰে অনাস্থা সন্দৰ্ভত অন্তিম ভাষণ প্ৰদান কৰিব ৬ বাজি ৩০ মিনিটত৷ জানিব পৰা মতে, বিৰোধী দলৰ অনাস্থা সন্দৰ্ভত ভোটদান অনুষ্ঠিত হ’ব ৭ বজাত৷ সকলো দলে হুইপ জাৰি কৰিছে নিজ নিজ দলে৷
শুকুৰবাৰে একপ্ৰকাৰ লোকসভাত অগ্নিপৰীক্ষা দিব লাগিব প্ৰধানমন্ত্ৰী নৰেন্দ্ৰ মোডী নেতৃত্বাধীন বিজেপি চৰকাৰে৷ প্ৰথমবাৰৰ বাবে টিডিপি সহ দেশৰ মুঠ প্ৰায় ১৬টা দলে চৰকাৰৰ বিৰুদ্ধে অবিশ্বাস প্ৰস্তাৱ উত্থাপন কৰাৰ পিছতে শুকুৰবাৰে আস্থা ভোট অনুষ্ঠিত কৰিব লগা হয়৷ শুকুৰবাৰে ৭বজাত ভোট অনুষ্ঠিত হ’ব আৰু লোকসভাত সংখ্যাগৰিষ্ঠতা প্ৰমাণ কৰিব নোৱাৰিলে মোডী চৰকাৰ ভংগ হ’ব।