72
বঢ়মপুৰ/লালুকঃ ৰাজ্যত হাতী-মানুহৰ সংঘাত আজিও অব্যাহত আছে৷ খাদ্যৰ সন্ধানত জনাঞ্চললৈ নামি অহা হাতীৰ জাকে নিতৌ ধন-জনৰ ক্ষতি কৰি আহিছে৷ নগাঁও জিলাৰ কঠিয়াতলি আঞ্চলিক বন বিষয়া কাৰ্যালয়ৰ অধীনৰ বামুণী কাৰ্বি গাৱঁত বন্যহস্তী খেদিবলৈ গৈ এজন বন বিষয়া গুৰুতৰভাৱে আহত হয়৷
আহত বন বিষয়াগৰাকীৰ নাম দুলাল হাজৰিকা। বিষয়াগৰাকীয়ে বামুণী কাৰ্বি গাৱঁত বন্যহস্তীৰ উপদ্ৰবৰ খবৰ লাভ কৰি উক্ত স্থানত উপস্থিত হোৱাৰ পাছতেই বন্যহস্তীৰ আক্ৰমণৰ সন্মুখীন হয়৷ আক্ৰমণত বন বিষয়াগৰাকী গুৰুতৰভাৱে আহত হোৱাৰ পাছত স্থানীয় ৰাইজৰ সহযোগত ১০৮ এম্বুলেন্সেৰে বন বিভাগৰ লোকে ততাতৈয়াকৈ নগাঁও ভোগেশ্বৰী ফুকননী অসামৰিক চিকিৎসালয়ত ভৰ্তি কৰায়৷
