80
জয়সাগৰঃ মেৰামতিৰ অভাৱত পথত প্ৰকাণ্ড গাতৰ সৃষ্টি হৈছে ৰাষ্ট্ৰীয় ঘাই পথত৷ ৩৭ নং ৰাষ্ট্ৰীয় ঘাইপথৰ শিৱসাগৰ নগৰৰ দৰিকা নৈৰ ওপৰৰ কংক্ৰিটৰ দলংত প্ৰকাণ্ড গাত দেখিও নেদেখাৰ ভাও জুৰিছে গড়কাপ্তানী বিভাগে৷ গাতটোৰ পৰা যিকোনো মুহূৰ্তত ঘটিব পাৰে ভয়ংকৰ বিপদ।
গধুৰ বাহনৰ চাকা ৰাতটোত খুমাই যোৱাৰ আশংকা কৰিছে স্থানীয় লোকে৷ প্ৰতিদিনে শ শ লঘু-গধুৰ যান-বাহন চলালচল কৰা পথটোৰ দলং খনৰ গাতটো ক্ৰমান্বয়ে ডাঙৰ হৈ গৈছে যদিও পথটো মাৰি দিয়াৰ ব্যৱস্থা কৰা নাই বিভাগটোৱে। ৰাষ্ট্ৰীয় ঘাইপথ প্ৰাধিকৰণৰ লগতে শিৱসাগৰ জিলা প্ৰশাসনৰ লোকসকলে পথটোৰে তথা দলংখনৰ ওপৰেৰে পাৰ হয় যদিও আজিলৈ গাতটো চকুত পৰা নাই৷
