54
গুৱাহাটীঃ ৰাষ্ট্ৰীয় নাগৰিকপঞ্জী উন্নীতকৰণৰ সন্দৰ্ভত মতামত দিয়াত স্বয়ং মুখ্যমন্ত্ৰী সৰ্বানন্দ সোণোৱালক সমালোচনা কৰিছিল উচ্চতম ন্যায়ালয়ে৷ ৰাষ্ট্ৰীয় নাগৰিকপঞ্জী উন্নীতকৰণৰ কামত কোনো পক্ষৰ হস্তক্ষেপ সহ্য নকৰে ন্যায়ালয়ে৷ উচ্চতম ন্যায়ালয়ে আজি পুনৰ এই কথা স্পষ্ট কৰি দিয়ে৷
এনআৰচি সন্দৰ্ভত সততে সৰৱ ভূমিকা পালন কৰি অহা অসম পাব্লিক ৱাৰ্কছ চমুকৈ এপিডব্লিউৰ সভাপতি অভিজিত শৰ্মাই কিছুদিন পূৰ্বে এখন সংবাদমেল অনুষ্ঠিত কৰি এনআৰচি সন্দৰ্ভত কিছু তথ্য দাঙি ধৰিছিল৷ সংবাদমেলত উল্লেখ কৰা বিষয় সন্দৰ্ভত উচ্চতম ন্যায়ালয়ৰ ন্যায়াধীশ ৰঞ্জন গগৈ আৰু ন্যায়াধীশ ৰহিতন ফলি নৰিমানৰ খণ্ড বিচাৰপীঠত আজি শুনানি অনুষ্ঠিত হয়।
