37
মাৰ্ঘেৰিটাঃ এতিয়াও উত্তপ্ত হৈ আছে মাৰ্ঘেৰিটাৰ আকাশ বতাহ৷ তিনিচুকীয়া জিলাৰ মাৰ্ঘেৰিটা মহাবিদ্যালয়ৰ নিৰ্বাচনী ফলাফলক লৈ সৃষ্টি হোৱা পৰিস্থিতিয়ে এতিয়া ভয়ংকৰ ৰূপ লৈছে৷ আৰক্ষী প্ৰশাসনৰ বৰ্বৰ আত্যাচাৰৰ বলি হোৱা ছাত্ৰ-ছাত্ৰীৰ লগতে প্ৰশাসন আৰু মহাবিদ্যালয়খনৰ অধ্যক্ষৰ বিৰুদ্ধে প্ৰতিবাদত নামি পৰিছে বিভিন্ন দল-সংগঠন৷
আজি সন্ধিয়া ছাত্ৰ মুক্তি সংগ্ৰাম সমিতি, এনএছইউআই, গোৰ্খা ছাত্ৰ সন্থা, আটাছু, অসম জাতীয়তাবাদী যুৱ পৰিষদ, অসম বড়ো-কছাৰী যুৱ ছাত্ৰ সন্থা, আছা আদি ছাত্ৰ সংগঠন কেইটাই মহাবিদ্যালয় কাণ্ডৰ তীব্ৰ বিৰোধিতা কৰি প্ৰতিবাদ সাব্যস্ত কৰে৷
