72
কোকৰাঝাৰঃ বৃহস্পতিবাৰে যেন যুদ্ধ ক্ষেত্ৰত হে পৰিণত হ’ল বিটিএডিৰ সদৰ কোকৰাঝাৰ৷ পুৱাই জিলা খনৰ শ শ সংখ্যালঘু পুৰুষ-মহিলাই ৰাজ পথলৈ ওলাই অহাৰ পিছতে সস্তম হৈ পৰে আৰক্ষী-চিআৰপিএফ৷ ৰেল পথ অৱৰোধ কৰি প্ৰতিবাদ সাব্যস্ত কৰিব অহা শ শ পুৰুষ-মহিলাক নিৰাপত্তাবাহিনীয়ে বাধা প্ৰদান কৰাত প্ৰতিবাদকাৰীসকলে নিৰাপত্তাবাহিনীৰ সতে হতাহতিত লিপ্ত হয়৷
তাৰ পিছতে লাঠীচালনা, ৰাবাৰ বুলেট, কন্দুৱা গেছ প্ৰয়োগ কৰি পৰিস্থিতি নিয়ন্ত্ৰণ কৰিব ল’গা হয় প্ৰশাসনে৷ এবিএমছুৰ প্ৰয়াত সভাপতি লাফিকুল ইছলাম আহমেদৰ হত্যাকাণ্ডই প্ৰায় তিনিমাহ অতিক্ৰম কৰাৰ পিছতো হত্যাকাৰীক আটক কৰিব নোৱোৰাত তথা আৰক্ষীয়ে হত্যাকাৰীৰ পৰিচয় ৰাজহুৱা নকৰাৰ প্ৰতিবাদত বৃহস্পতিবাৰে এবিএমছুৰ উদ্যোগত সহস্ৰাধিক সংখ্যালঘু জনতাই কোকৰাঝাৰ জিলাৰ ছালাকাটি ৰেলৱে ষ্টেছনত ৰেলপথ অৱৰোধ কৰিবলৈ আগে৷