জোনাইঃ অগপ, বিজেপি আৰু বিপিএফ মিত্ৰ জোঁট চৰকাৰৰ মুখ্যমন্ত্ৰী সৰ্বানন্দ সোণোৱালে দুৰ্মীতিৰ বিৰুদ্ধে জেহাদ ঘোষণা কৰিলেও দুৰ্নীতি যেন আজিও সংঘটিত হৈ আহিছে৷ আনহাতে দুৰ্নীতি সংঘটিত হোৱাৰ অভিযোগ উত্থাপন হোৱাৰ পিছতো তদন্ত ঘোষণা নকৰে প্ৰশাসনে৷ যেতিয়ালৈ দল-সংগঠন তথা ৰাইজে যেতিয়ালৈ ৰাজ পথলৈ ওলাই নাহে তেতিয়ালৈকে তদন্ত ঘোষণা নকৰে প্ৰশাসনে৷
তাৰ মাজতে চৰকাৰে দৰিদ্ৰ সীমা ৰেখাৰ তলৰ লোকৰ বাবে যোগান ধৰা ১২০০০ কুইন্টল আটা কেলেংকাৰীয়ে উত্তপ্ত কৰি ৰাখিছে জোনাই মহকুমা৷ দৰিদ্ৰ লোকৰ বাবে সুলভ মুল্যত যোগান ধৰা চাউল-আটা সমূহ সুলভ মূল্যৰ দোকানীয়ে ২০১৫-২০১৭ চনৰ এপ্ৰিল মাহলৈকে হৰলুকি কৰি ধন ঘটাৰ অভিযোগ উত্থাপন হৈছে জোনাই মহকুমা৷ প্ৰায় ১২ হাজাৰ কুইন্টল আটা যোগান বিষয়াৰ মিলি হৰলুকী কৰাৰ ঘটনাৰ তদন্ত কৰাৰ দাবীত শনিবাৰে উত্তাল প্ৰতিবাদ সাব্যস্ত কৰে অসম জাতিয়বাদী যুৱ পৰিষদে।
