97
বিহালীঃ এনিমীয়া তথা ৰক্তহীনতা ৰোধ কৰাৰ বাবে কেন্দ্ৰীয় চৰকাৰে আৰম্ভ কৰিছে ‘মিছন তেজস্বী’ নামৰ এখন আঁচনি৷ মিছন তেজস্বীৰ জৰিয়তে আমাৰ ৰাজ্যখনত এনিমীয়াত ভোগা লোকক সহায় কৰাৰ চেষ্টা চলাব চৰকাৰে৷ এই ৰোগত আক্ৰান্ত বহু শিশু আৰু গৰ্ভৱতী মহিলাই উপযুক্ত চিকিৎসা লাভ কৰিবলৈ সক্ষম নহয়৷ ৰক্তহীনতা আৰু ইয়াৰ বাবে হোৱা বিভিন্ন ৰোগৰ বাবে জন্মৰ পিছত বহু শিশু আৰু গৰ্ভৱতী মহিলা মৃত্যুমুখত পৰে৷
ৰাজ্যখনত এনে মৃত্যু ৰোধ কৰিবৰ বাবে কেন্দ্ৰীয় চৰকাৰে আৰম্ভ কৰা ‘মিছন তেজস্বী’ আঁচনি শনিবাৰে বিহালী প্ৰাথমিক চিকিৎসা কেন্দ্ৰত শুভৰাম্ভ কৰে বিহালী সমষ্টিৰ বিধায়ক তথা মন্ত্ৰী ৰঞ্জিত দত্তই।
