78
কোকৰাঝাৰঃ যোৱা ৩১ ডিচেম্বৰৰ মাজনিশা এনআৰচিৰ প্ৰথম খন খচৰা প্ৰকাশ কৰাৰ পিছতে ৰাজ্যজুৰি পৰীক্ষণ কাৰ্য চলি আছে৷ তাৰ মাজতে, সদৌ অসম নাথ যোগী ছাত্ৰ সন্থা আৰু বিটিএডি নাথ যোগী সন্মিলনীৰ এটা প্ৰতিনিধি দল বুধবাৰে এনআৰচিৰ ৰাজ্যিক সমন্বয়ক প্ৰতীক হাজেলাক সাক্ষাৎ কৰে৷
এনআৰচিৰ কাম-কাজ যথাসম্ভৱ নিয়াৰীকৈ সম্পন্ন কৰাৰ বাবে হাজেলাক জাতীয় গামোচা, শৰাইৰে সম্বৰ্ধনা জনোৱাৰ লগতে অভিনন্দন জ্ঞাপন কৰে। নাথ যোগী ছাত্ৰ সন্থা আৰু বিটিএডি নাথ যোগী সন্মিলনীৰ প্ৰতিনিধি দলটোৱে প্ৰকৃত ভাৰতীয় নাগৰিকৰ নাম যাতে ৰাষ্ট্ৰীয় নাগৰিকপঞ্জীৰ পৰা কোনোপধ্যে বাদ নপৰে তাৰ প্ৰতি লক্ষ্য ৰাখিবলৈও ৰাজ্যিক সমন্বয়ক প্ৰতীক হাজেলাক আহ্বান জনায়।
