নিউজ চেনেলে ১২ বছৰীয়া ছাত্ৰক সজালে দুৰ্ধৰ্ষ উগ্ৰপন্থী, গোচৰ ৰুজু

ডিজিটেল ডেস্কঃ জম্মু কাশ্মীৰৰ কুলগাম জিলাৰ দুগৰাকী নিৰ্দোষী যুৱকক নিউজ চেনেলত উগ্ৰপন্থী বুলি প্ৰচাৰ কৰাত তীব্ৰ চাঞ্চল্যৰ সৃষ্টি হয়৷ স্থানীয় নিউজ চেনেলে এই বাতৰি প্ৰচাৰ কৰাত চাঞ্চল্যৰ সৃষ্টি হয়৷ তাৰ পিছতে দুয়োটা চেনেলৰ বিৰুদ্ধে গোচৰ ৰুজু কৰে আৰক্ষীয়ে৷

আৰক্ষীৰ মতে, বি-৬ নামৰ নিউজ চেনেলটোৱে বাণীগুন্দ নামৰ ঠাইত এগৰাকী ফৰহান বই নামৰ উগ্ৰপন্থী নিহত হয়৷ উগ্ৰপন্থী ফৰহান বইৰ ঠাইত উচ্চতৰ মাধ্যমিকৰ ছাত্ৰ ফৰহান চফি আৰু ফৰহত চহিদ নামৰ নিৰ্দোষী দুই যুৱকৰ ফটো দেখুৱাই চেনেলটোৱে৷