হাগ্ৰামাৰ বিৰুদ্ধে শ্বহীদক অপমান কৰাৰ অভিযোগ জাতীয়তাবাদী যুৱ ছাত্ৰ পৰিষদৰ

ওদালগুৰিঃ বিপিএফ দলৰ বিৰুদ্ধে ভুৱা প্ৰতিশ্ৰুতি দিয়াৰ অভিযোগ উত্থাপন কৰিছে অসম জাতীয়তাবাদী যুৱ-ছাত্ৰ পৰিষদে৷ মিথ্যাচাৰেৰে বিটিচি নিৰ্বাচন জিকি শাসনৰ গাদীত বহি থকাৰ অভিযোগ উত্থাপন কৰে সংগঠনটোৱে৷ যোৱা ১০ ফেব্ৰুৱাৰীত বিপিএফ দলে জাকমকতাৰে বডোলেণ্ড দিৱস পালন কৰাৰ দুদিন পিছতেই গুৰুতৰ অভিযোগ উত্থাপন কৰি ক্ষোভ জাহিৰ কৰে অসম জাতীয়তাবাদী যুৱ-ছাত্ৰ পৰিষদে৷

সংগঠনটোৰ ওদালগুৰি জিলা সমিতিয়ে দলটোৰ ভুৱা প্ৰতিশ্ৰুতিসমূহ পোহৰলৈ আহিবলৈ ধৰিছে বুলি কৈ বিগত বিটিচি নিৰ্বাচনৰ পূৰ্বে ওদালগুৰিৰ প্ৰতিটো জনগোষ্ঠীৰ ছাত্ৰ সংগঠনৰ সৈতে বৈঠক অনুষ্ঠিত কৰি দলটোৱে বিশেষ প্ৰতিশ্ৰুতি প্ৰদান কৰিছিল যদিও নিৰ্বাচনৰ পিছত সকলো প্ৰতিশ্ৰুতি ফোটোকাৰ-ফেন হৈ পৰিল বুলি কয় সংগঠনটোৱে।