মন্ত্ৰী অতুল বৰা ছাৰ এনে বহু দলং আছে আপোনাৰ সমষ্টিৰ মহুৰামুখত

মহুৰামুখঃ পৰিৱৰ্তনৰ প্ৰতিশ্ৰুতি দি চৰকাৰ আহে আৰু যায়৷ চৰকাৰৰ সলনি হোৱাৰ লগ লগে মন্ত্ৰী-বিধায়কসকলো সলনি হয়৷ প্ৰত্যেকখন চৰকাৰৰ দিনতেই শাসনৰ গাদী দখল কৰিবলৈ নিৰ্বাচনৰ পূৰ্বে পৰিৱৰ্তনৰ প্ৰতিশ্ৰুতিবোৰো প্ৰতিশ্ৰুতি হৈয়ে ৰয়৷ ৰাজ্যত এতিয়া সমস্যাৰ অন্ত নাই৷  উজনিৰ পৰা নামনিলৈকে বিশুদ্ধ খোৱাপানী, বানপানী-গৰাখহনীয়াৰ সমস্যা, শোচনীয় যাতায়ত ব্যৱস্থা, মূল্যবৃদ্ধিৰ সমস্যা আদিয়ে কেঁকুৰাই চেপাদি চেপিছে শোষিত-বঞ্চিত সাধাৰণ জনতাক৷ শাসনৰ গাদীত থকা চৰকাৰখনে জলন্ত সমস্যাসমূহ সমাধানৰ প্ৰতিশ্ৰতি দিছিল কিন্তু সময় যোৱাৰ লগে লগে সকলোবোৰ প্ৰতিশ্ৰুতি এতিয়া ফোটোকাৰ ফেনত পৰিণত হ’ল৷